Навбаҳор тумани 37-ихтисослаштирилган мактаб-интернати директорининг буйруғИ

Навбаҳор тумани 37-ихтисослаштирилган мактаб-интернати директорининг
БУЙРУҒИ


Ислом оламининг энг машҳур авлиёларидан бири, нақшбандия тариқатининг асосчиси, ҳадис илмининг султони Хожа Баҳоуддин Нақшбанд таваллудининг 700 йиллиги ҳамда буюк аллома, ёзувчи, жамоат арбоби Маҳмудхўжа Беҳбудий таваллудининг 145 йиллигини кенг нишонлаш тўғрисида

Ўзбекистон Республикаси Президенти Ш.М.Мирзиёевнинг

Олий Мажлисга Мурожаатномасида белгилаб берилган вазифалар ижросини таъминлаш ҳамда таълим муассасаларида ислом оламининг энг машҳур авлиёларидан бири, нақшбандия тариқатининг асосчиси, шарқ халқлари тафаккури тараққиётига катта ҳисса қўшган аллома Хожа Баҳоуддин Нақшбанд ва буюк аллома, ёзувчи, жамоат арбоби, ўзбек драматургиясининг асосчиси Махмудхўжа Беҳбудийларнинг бой адабий ижодий меросини ўрганиш ва тарғиб этишни кенг йўлга қўйиш, ўқувчи – ёшларнинг қалби ва онгига улуғ мутафаккирлар асарларининг мазмун-моҳиятини, бадиий хусусиятини, тарбиявий аҳамиятини чуқур сингдириш ҳамда улар таваллуд топган кунларни юксак савияда нишонлашни ташкил этиш мақсадида буюраман:
1. Мактаб-интернатида шарқ халқлари тафаккури тараққиётига катта ҳисса қўшган аллома Хожа Баҳоуддин Нақшбанд ва буюк аллома, ёзувчи, жамоат арбоби, ўзбек драматургиясининг асосчиси
Махмудхўжа Беҳбудийларнинг ҳаёти, илмий меросига бағишланган ҳамда диний бағрикенглик мавзуларидаги тадбирларни ташкил этиш юзасидан чора-тадбирлар режаси 1-иловага мувофиқ тасдиқлансин.
2.Мактаб-интернати ММИБДЎ Р.Жумаевга :
буюк алломалар ҳаёти, илмий меросига бағишланган ҳамда диний бағрикенглик мавзуларида тадбирлар ташкил этиш юзасидан мактаб-интернатининг чора-тадбирлар режасида белгиланган топшириқлар ижросини назоратга олиш вазифаси юклатилсин.
шарқ халқлари тафаккури тараққиётига катта ҳисса қўшган аллома Хожа Баҳоуддин Нақшбанд ҳамда буюк аллома, ёзувчи, жамоат арбоби, ўзбек драматургиясининг асосчиси Махмудхўжа Беҳбудий таваллуди муносабати билан мактаб-интернатининг чора-тадбирлар режасини ишлаб чиқиш;
Мактаб-интернатида ўтказиладиган “Маънавият соати”, “Тарбиявий соатлар”да буюк мутафаккирларнинг илмий-ижодий меросини чуқур ўрганиш ҳамда комил инсонни тарбиялаш мақсадида ўқувчиларда иймон, эътиқод, ихлос, ҳалоллик, поклик, инсонпарварлик, адолатпарварлик туйғуларини шакллантириш мақсадида давра суҳбатлари, мулоқот кечалари, адабий-бадиий кечаларни ташкил этиш;
нақшбандия тариқатининг асосчиси Хожа Баҳоуддин Нақшбанд ҳамда буюк маърифатпарвар Махмудхўжа Беҳбудийларнинг таваллуди муносабатига бағишланган туркум тадбирларни юксак савияда ўтказишни ташкил этиш, тадбирларда кенг жамоатчилик ва ота-оналар, ҳамкор ташкилотлар вакиллари, маҳаллий шоир ва адиблар, оммавий ахборот воситалари ходимлари иштирокини таъминлаш;
ўтказилган тадбирларни оммавий ахборот воситаларида кенг ёритишни ташкил этиш;
Мактаб-интернатида ўтказилган тадбирлар юзасидан маълумотларни белгиланган муддатларда ТХТБнинг маънавий-ахлоқий тарбия бўлимга тақдим этиб бориш вазифалари юклатилсин.
4. Мактаб-интернатининг матбуот хизмати бўйича масъул ходим О.Ҳамроевга:
Мактаб-интернатида Хожа Баҳоуддин Нақшбанд ҳамда Махмудхўжа Беҳбудийларнинг таваллуди муносабатига бағишланган туркум тадбирларни оммавий-ахборот воситаларида ва ижтимоий тармоқларда кенг ёритиб бориш ва бошқарманинг расмий веб-сайтига жойлаштириш тавсия этилсин.
5.Ушбу буйруқнинг бажарилишини назорат қилишни ўз зиммамда қолдираман.


Мактаб-интернати директори: К.Н.Қувондиқов


Навбаҳор т,
2020 йил “____” февраль
________ -сон