National researches of uzbekistan: conferences

Foydalanilgan adabiyotlar
1. Ismoilov.O.A. Nazarov Sh.Q Ta’lim muassasalarida innovatsion pedagogik texnologiyalar. 
T. 2012.
2. Umumta’lim maktablarining 6-7-sinf fizika fani darsliklari.

---

58
Февраль 2022 10-қисм
Тошкент
‘‘ЎЗБЕКИСТОНДА МИЛЛИЙ ТАДҚИҚОТЛАР: ДАВРИЙ АНЖУМАНЛАР:’’
TEXNOLIGIYA FANIDAN TO‘GARAKLARNI TASHKIL QILISH
Yo’ldashova Gulbaxor Komilovna
Shovot tumani 38-son maktab o‘qituvchisi
Telefon: [phone]
[e-mail]
Annotatsiya:
Ushbu maqola texnologiya fanidan to‘garaklarni STEAM ta’limi asosida 
to‘garaklarni tashkil qilish haqida.
Kalit so‘zlar:
Mexatronika, robototexnika, to‘garak, zamonaviy kasblar, dasturlash.
Texnologiya ta’limining muhim jihati shundaki, texnologiya ta’limi barcha fanlarda 
o‘quvchilarning egallagan bilimlarini amalda ifodasi sifatida namoyon bo‘ladi. Bundan tashqari, 
texnologiya fanining asosiy vazifalaridan biri o‘quvchilarga kasblar haqida to‘liq ma’lumot 
berish va ularni kasb- hunarga yo‘naltirish hisoblanadi. ”Umumiy o‘rta ta’limning milliy o‘quv 
dasturi”ning ishlab chiqilishi texnologiya darsi dasturiga tub burilish bo‘ldi. Bunda sinflar kesimida 
dasrlarning uzluksizligi ta’minlanganligi, “Mexatronika, robototexnika” bo‘limlarining kiritilishi 
juda muhimligi bilan ajralib turadi.Texnologiya faniga yangidan kiritilgan “Mexatronika va 
robototexnika” bo‘limlari o‘quvchi yoshlarni kelajak hayotga tarbiyalashda, zamonaviy kasblarni 
egallashlarida muhim o‘rin tutadi. 
O‘quvchilar robototexnikani o‘rganish orqali turli dasturlash tillarini o‘rganadilar. Robot yasash 
jarayonida o‘quvchilar boshqa qator fanlardan egallagan bilimlarini amaliyotda qo‘llaydilar. Uni 
dasturlashda esa informatika fanidan egallagan bilimlarini namoyon qiladilar, boshqa dasturlash 
tillarini ham o‘rganishlariga to‘g‘ri keladi. Hozirda ijtimoiy tarmoqlarsiz insonning hayotini 
tasavvur qilish qiyin. O‘quvchilarimiz “One Million Uzbek Coders” loyihasida ishtirok 
etib, ”Coursera” kurslarida ta’lim olib, IT sohasida ham ko‘pgina yutuqlarga ega bo‘lmoqdalar. 
Innovatsion texnologiyalar jamiyatning ajralmas qismiga aylanmoqda. Maktab o‘quvchilarini 
hozirda dasturlash, modellashtirish, dizayn-loyihalash, robototexnika, robot dizayni sohalari 
qiziqtirmoqda. Axborotni olish, qayta ishlash va amaliyotda foydalanish STEM ta’limi dasturining 
asosini tashkil etadi. Bunda o‘quvchi bilim va izlanishlari asosida loyihalash ishlarini bajarishi kerak 
bo‘ladi. Amaliy faoliyat jarayonida bilimlarni olish, amaliyotda foydalanish, konstruksiyalash, 
texnik ijodkorlik qobiliyatlarini oshirishga qaratiladi.
O‘quvchilarga “Mexatronika, robototexnika” ga oid bilimlarni berish, STEAM dasturini amalga 
oshirish vazifalarini to‘garak mashg‘ulotlarida amalga oshirish mumkin. To‘garak mashg‘ulotlarini 
tashkil qilishda quyidagi jihatlarni e’tiborga olish kerak:
1. Tanlash erkinligi (O‘quvchiga kichik bo‘lsa ham tanlash erkinligini berishimiz kerak. 
Masalan, ularga bir biror narsani yasash vazifasini berib yasash uchun materialni (yog‘och, karton, 
fomeks, tunuka) tanlash imkonini berishimiz mumkin.
2. Bajarish uchun qadamlar. Berilgan vazifani bajarishda o‘quvchining qo‘ygan qadamlarini 
tanlash imkonini beramiz. Bunda o‘quvchi o‘ziga bo‘lgan ishonch hissini tuyadi va o‘zi mustaqil 
harakat qilib, qobiliyatlarini namoyon qiladi.
3. Kutilmagan vaziyatlar. Amaliy ish davrida kutilmagan vaziyatlarning bo‘lishi ham muhim. 
Masalan, tayyorlanadigan buyum uchun ketadigan xom ashyoni aniqlash vahokazo.
4. Ta’limda ochiqlik bo‘lishi ham muhim. Bunda berilgan topshiriq( hammaga bir xil ) bo‘yicha 
bajarilgan mashqlarni hamma ko‘rib turadi, o‘quvchilar bir- birlariga ko‘maklashadilar, xatolari 
bo‘lsa tuzatadilar, bir- birlariga yordam beradilar.
Texnologiya fanidan to‘garaklarni tashkil qilish muhim masala. Shunday ekan, to‘garaklarni 
an’anaviy bo‘lib qolgan mavzularda emas, balki, zamonaviy talab darajasidagi mavzularda tashkil 
etish maqsadga muvofiq bo‘ladi.