«nashriyot uyi tasvir»

Web-sayt statistikasi (Статистика web-сайта, Web-site statistics) — saytlar egasini saytdagi tashrifchilar soni, qaysi bo'lim eng mashhur ekanligi va boshqa ma'lumotlardan xabardor qiluvchi hisobot.
Web-sahifa nomi (Название веб-страницы, Webpage title) — web-sahifani identifikatsiyalovchi matn. Ochiq sahifaning nomi web-brauzer oynasining sarlavha qatorida aks etadi.
Web-interfeys (веб-интерфейс, Web-interface) — foydalanuvchiga web-brauzer orqali turli dasturlar bilan o'zaro ishlash imkonini beruvchi interfeys (masalan, Internet do'konida o'z buyurtmasini boshqarish yoki tarmoq printerini sozlash). Web-interfeyslar turli joylardagi xodimlarga birga faoliyat yuritish imkonini beradi. Masalan, web-interfeyslar turli ma'lumotlar bazalarini to'ldirish yoki Internet OAVda materiallarni chop etishda ishlatiladi.
Web-server (Веб-сервер, Web-server) — WWW doirasida faoliyat ko'rsatuvchi server. Web-sahifalarni saqlaydi hamda tashqi serverlardan kelayotgan so'rovlarga javob beradi.
WWW (Всемирная Паутина, World Wide Web) — 1) Internet xizmati turi. Dunyo bo'yicha Web- serverlardagi ma'lumotlardan foydalanish imkoniyatini beradi; 2) Internetda mavjud bo'lgan elektron hujjatlar orasida gipermurojaatlarni tashkillashtiruvchi xizmat.
Xavfsizlik (Безопасность, Security) — 1) tizim yoki tarmoq axboroti muhofazasini, saqlanishi, ishonchliligi va puxtaligini ta'minlash qobiliyati; 2) obyektning tasodifiy yoki maxsus qilingan tahdidlarga qarshi tura olish qobiliyati; 3) kompyuter va tarmoqdagi ma'lumotlarni buzilish va yo'qolishdan saqlash hamda foydalanuvchilar uchun chegaralangan foydalanish huquqini belgilash.
Xavfsizlik administratori (Администратор безопасности, Security administrator) — mas'ul mansabdor shaxs. U o'rnatilgan ish tartibi va vakolatlari doirasida ikki yo'nalishda: axborot muhofazasi hamda axborotlashtirish obyekti (ma'lumotlarni uzatish tarmog'i)ni sanoat miqyosida ishga solish bo'yicha faoliyat yuritadi.