«nashriyot uyi tasvir»

Oyna (Окно, Window) — ekranning to'g'ri to'rtburchak shaklida chegaralangan qismi. Unda dasturlarning ishlashi yoki jarayonlarning borishi ifoda etiladi. Windows operatsion tizimi muhitida bir vaqtda bir necha oyna bilan ishlash mumkin. Oyna bilan bajarish mumkin bo'lgan amallarga uni yopish, bir joydan boshqa joyga ko'chirish, o'lchamini o'zgartirish, yig'ishtirish kabilarni kiritish mumkin.
Oraliq test (Промежуточный тест, Intermediate test) — har bir bo'lim yakunida topshiriluvchi nazorat testi.
Ochiq kodli dasturiy ta'minot (Программное обеспечение с открытым исходным кодом, Open source software) — dastur kodi ochiqligi sababli tegishli o'zgartirishlar kiritish imkoniyati mavjud bo'lgan dasturiy ta'minot.
Platforma (Платформа, Platform) — o'zining mavjud imkoniyat va funksiyalari orqali boshqa tizimlarni yo'lga qo'yishga xizmat qiluvchi "o'zak dastur”.
Platformani mahalliylashtirish (Локализация платформы, Platform localization) — platforma interfeysi va uning tarkibidagi materiallarni davlat tiliga o'girish.
PR (ing. public relations — jamoatchilik bilan aloqalar) — tashkilot va jamoatchilik o'rtasidagi axborot oqimini boshqarish. PRning maqsadi potensial iste'molchilar va boshqa manfaatdor tomonlarda tashkilotning ijobiy imijini hosil qilishdan iborat.
Ro'yxatdan o'tish (Регистрация, registration) — foydalanuvchini ro'yxatga olish hamda unga dastur va ma'lumotlardan foydalanish huquqini berish jarayoni. Ayrim web-saytlar foydalanuvchiga qo'shimcha xizmatga ega bo'lish yoki pullik xizmatlarga obuna bo'lish uchun ro'yxatdan o'tishni, ya'ni o'zi haqida ma'lumot qoldirish (anketa to'ldirish)ni, login va parol olishni taklif qiladi. Anketa to'ldirilganidan keyin ma'lumotlar sayt egalariga kelib tushadi. Ro'yxatdan o'tganda foydalanuvchi uchun akkaunt yaratiladi.
Sayt (Сайт, Site) — grafika va multimedia elementlari joylashtirilgan gipermedia hujjatlari ko'rinishidagi mantiqan butun axborot.