Narzulla Jo„rayev O„zbekiston tarixi

Mavzuga doir material 
O„zbekiston Respublikasi Prezidenti 
Islom Karimov janobi oliylariga 
Muhtaram Prezident janoblari! 
Siz bilan vitse-prezident A. Gorr o„rtasida g„oyat foydali suhbat bo„lib o„tgani 
menga ma‟lum. Sizning Qo„shma Shtatlar bilan yaqin aloqada mustaqil, ishonchli va 
ravnaq topuvchi mamlakatni barpo etish uchun faol ishlashga tayyor ekaningiz bizda 
katta taassurot qoldirdi. Vazir U. Perri ham shu yil aprel oyida O„zbekistonga 
safaridan keyin menga xuddi shunday zo„r taassurot olganini aytgan edi. Uning 
fikricha, mudofaani ancha foydali tijorat faoliyatiga – konversiyalashga intilayotgan 
O„zbekiston korxonalari bilan birgalikdagi hamkorlik aniq bir yo„l – islohotlarni 
amalga oshirish va aloqalarimizni chuqurlashtirish borasidagi Sizning kuch-
g„ayratlaringizni qo„llab-quvvatlashni nazarda tutadi. 
Men savdo vaziri o„rinbosari Perri Karter, chet ellarda xususiy sarmoyalar 
bo„yicha korporatsiyaning (OPIK) vitse-prezidenti Deniel Riordan hamda Mudofaa 
vazirligining bosh maslahatchisi Jefri Mur rahbarligidagi mudofaa sanoatini 
konversiyalash bo„yicha delegatsiyani Amerika savdo-sanoat doiralarining yuqori 
martabali 16 vakili bilan birga ana shu maqsadlarga erishishda yordam berish uchun 
yuboryapman. AQSH hukumatining uchta Mahkamasi qatnashayotgani to„siqlarni 
bartaraf 
etishda, 
amaliy 
hamkorlikni 
rivojlantirishda 
va 
konversiyaning 
muvaffaqiyatli o„tishida birga ishlash borasidagi majburiyatimiz jiddiyligini 
tasdiqlaydi. Sizning madadingiz va ishtirokingiz mana shu kuch-g„ayratlarda hayotiy 
muhim ahamiyatga ega bo„ladi. 
Mazkur delegatsiyada Amerika biznesining ishtiroki to„g„risida bir necha og„iz 
so„z aytishga ijozat bergaysiz. O„zbekistonning ishonchli sherik sifatidagi obro„si, 
uning tabiiy resurslarga boyligi va yuqori malakali ishchi kuchini yetkazib bera olishi 
Amerikadagi eng yaxshi kompaniyalar rahbarlarining e‟tiborini mana shu safarda

---

536 
qatnashishga jalb etdi. Safar mudofaa sanoatini konversiyalash bo„yicha loyihalarni 
muhokama etish uchun Sizning rasmiy vakillaringiz va korxonalarning rahbarlari 
bilan uchrashish hamda O„zbekistonning imkoniyatlarini ilk manbadan bilib olish 
ajoyib imkonini yaratadi. 
Umid qilamanki, bu uchrashuvlar mamlakatlarimizning iqtisodiy farovonligiga o„z 
hissasini qo„shadi, xalqlarimiz o„rtasidagi savdo aloqalarini chuqurlashtiradi va 
o„rtamizdagi munosabatlarni taraqqiy ettiradi.