Наргис Қосимова

Учинчи қоида. “Хатога йўл қўймаслик” 
Матндаги грамматик ва услубий хатолар аксарият ҳолатларда 
фойдаланувчиларнинг ғашига тегади. Веб-саҳифадаги грамматик ва услубий 
хатоларни тузатишга эринманг. Бундай хатоларнинг мавжудлиги аввало 
фойдаланувчиларга нисбатан ҳурматсизлик эканлигини унутманг!
Тўртинчи қоида. “Бўшлиқ керак” 
Кўпгина сайтларда турли хил элементларнинг кўплигидан кўз 
қамашади. Матнни ўқишда унинг атрофида бўшлиқ бўлиши кераклигини 
унутманг. Матн албатта хатбошиларга бўлиниши, сарлавҳа ажралиб туриши,
сарлавҳа, фото ва матн ораларида бўшлиқ бўлиши керак.
“Адолат” газетасининг веб-сайти 
 
Бешинчи қоида. “Ҳаволалар”
Ҳавола (ссылка) сайтда зарур ахборотни топишга ёрдам беради. 
Албатта улар ажратиб кўрсатилади. Аммо улар иложи борича матндан пастда 
жойлашиб, фойдаланувчига асосий ахборотни олишга ҳалақит бермаслиги 
лозим. Масалан, “Здесь”, “Мақолани юклаб олиш” ва ҳоказо.
!
Ахборот таркиби 
Агар сиз ўзингиз тайёрлаётган хабарда 300 тадан ортиқроқ сўз 

---

126 
ишлатиш зарурати бор, деб ҳисобласангиз, қуйидаги техникани қўллаб 
кўринг: ҳамма фактларни ёйиб ташланг ва уларни кичик-кичик, аммо ўзаро 
боғлиқ қисмларга бирлаштиришга уриниб кўринг. Шунда уларнинг ҳар бири 
алоҳида мақола шаклини олади. Натижада асосий фактлар дастлабки 30-
40 та сўзда ифодаланади, аммо ўша саҳифада мазкур воқеа ҳақида ҳикоя 
қилувчи бошқа мақолаларни қайд этувчи линклар берилади. Web-матн 
қисқа, аниқ, бадиий, мақоланинг асосий мазмунини тўлиқ ўзида акс этиши 
лозим
. 
Интернетдаги материалларга фотосуратларни жойлаштириш. 
Фотосурат - журналистиканинг асосий йўналишларидан бири бўлиб, асосан 
тасвир орқали баён қилиш, воқеликни хронологик тарзда акс эттириш билан 
ифодаланади. Сайтдаги фотосуратда объектив ёндашув муҳим ўрин тутади. 
Чунки бу суратлар содир бўлган бирор аниқ ҳодисани ўзида акс эттиради. 
Сайтда фотосурат матн мазмунини тўлдиради. У кўпроқ ахборот бериш учун 
қўлланилади. Фотосурат кўпроқ жонли ва эътиборни ўзига тортадиган 
бўлиши керак. Бу борада портрет фотолардан фойдаланиш мақсадга мувофиқ 
бўлиб, у йиғилишдаги маърузачининг характерини очиб бериши керак. 
Фотосуратларни кўпроқ бериш ахборотнинг ўқишли бўлишини таъминлайди.