Наргис Қосимова

Хабар ёзишдан асосий мақсад –
ОАВ сайтнинг доимий 
аудиториясини яратиш, уни кенгайтиришдир. Матн тузишдан олдин унинг 
тахминий режасини тузиш зарур. Одатда, режа сарлавҳа ва кичик 
сарлавҳалар кўринишида бўлиб, матнни сўзбоши орқали мазмун жиҳатдан 
кичик блокларга ажратиш тавсия этилади. 
Хатбошига алоҳида объект деб қаралади. Ҳар битта хатбошига битта 
фикрни жойлаган маъқул. Хатбошининг асосий ғояси бир-икки гапда 
ифодаланади, қолганлари иккинчи даражали аҳамияга эга. Улар асосий 
фикрни тасдиқлаш, тавсифлаш ва аниқлаштиришга хизмат қилади. 
Асосий фикрни матн бошида ифодалаган маъқул, ўқиганда гап 
нимадалиги дарров аён бўлсин
106
. 
 
Биринчи қоида. “Узунлик, кенглик, ҳажм”
Матн тайёрлаганда аввало қуйидагиларга эътибор беринг: 

саҳифа узунлиги; 

матн кенглиги; 

шрифт ҳажми. 
Янгиликлар рукнига ахборот ёзишда сўзлар сони 500 дан ошмагани 
маъқул. Мутахассислар сайтдаги Times New Roman шрифтига кўра Arial 
шрифти осонроқ ўқилишини таъкидлашади. Шунинг учун сайт яратишда 
шрифт ҳажми фиксация қилинмаган бўлишига эътибор беринг. Зеро, сайт 
фойдаланувчилари браузер орқали қулай ўқиш учун шрифт ҳажмини 
ўзгартириш имконига эга бўлишлари лозим.
Матн қуйидаги кўринишда бўлмаслиги лозим: 
Таъкидлаб ўтиш жоизки, матн шакли ўқувчига ҳам қулай бўлиб, осон 
ўқилиши, шрифти чаплашиб кетмаслиги мақсадга мувофиқдир.
Иккинчи қоида. “Қармоқ” 
Юқорида айтганимиздек интернетда фойдаланувчи материалларни 
ўқимай, балки кўз югуртиради. Унинг нигоҳи бирорта сўзга “илиниб”, бир 
зум тўхташи лозим. Ана шундай “қармоқ” ролини сарлавҳа, тагсарлавҳа, 
линк, матндаги фотосурат бажаради. Фойдаланувчига тўлиқ ахборот 
берилган, қисқа муддатда ўқилиши мумкин бўлган матнни бериш лозим. 
Шунинг учун ҳар бир матнни кичик хатбошиларга бўлиб, ҳар бир абзац 
тугалланган фикрга эга бўлиши лозим.
Линк
– гиперматнли ҳужжатлар ва тармоқ технологияларида 
106
Қосимова Н., Бобожонова Г., Исламова Л. Ахборот хизмати: жамоатчилик билан самарали мулоқот. Бирлашган 
Миллатлар Ташкилотининг Тараққиёт дастури (БМТТД), -Т: 2012 й. 90 б.

---

125 
қўлланиладиган термин Switchом ва компьютер ўртасидаги алоқадир!. 
Ёдда тутинг! 
интернет фойдаланувчиси эркиндир. Сизнинг 
матнингиз унга ёқмадими, у дарҳол саҳифадан кетиши ва унга ҳеч қачон 
қайтиб келмаслиги мумкин.