Наргис Қосимова

“Оила даврасида” газетасининг веб-сайти 
Нашрнинг мазмуни – контент веб-сайт дизайнида муҳим аҳамият касб 
этади
.
Веб-сайт контентини яратишда қуйидаги талабларни инобатга олмоқ 
керак. Интернетга мақолалар тез кўз югуртириб, аниқ тасаввур ҳосил 
қилишга мослаштирилган ҳолда, монитордан ўқиш учун мўлжалланган 
услубда, мантиқий бўлаклари хатбоши билан ажратилган кўринишда 
киритилиши лозим. Ҳар бир материал учун қисқа ва аниқ сарлавҳа 
танланиши ва имкон қадар фото берилиши мақсадга мувофиқ. Информацияга 
мос фото унинг нафақат сифати, балки қийматини ҳам оширади. Навигация, 
яъни веб-саҳифадан фойдаланиш қулайлиги, ўқувчига тақдим этилаётган 

---

122 
маълумотни тез ва осон топиш имконини беришни кўзлайди
104
. Яратилган 
йўлланмалар тизимининг қанчалик қулай ва мукаммал ўйлангани кўзланган 
мақсадга эришиш йўлида асосий, ҳал этувчи механизмдир. Навигация ўта 
мураккаб ва чалкаш бўлмаслиги лозим. Оддий йўлланмалар орқали ўқувчи 
истаган веб-сайти учун саҳифада ўқувчига батафсил маълумот олиш, «принт 
версия» имкониятларидан фойдаланиш, яъни мақолани чоп этишда қулайлик 
яратиш, матнга ва архивга кириш техник жиҳатдан чекланмаслиги муҳим 
бўлган жиҳатлар ҳисобланади.
Расмий веб-сайтни юритишга қўйиладиган талаблар. 
Расмий веб-
сайтда жойлаштирилган асосий ахборотлардан фойдаланиш эркин ва бепул 
бўлиши керак. Расмий веб-сайтга жойлаштирилаётган ахборотларнинг 
санаси кўрсатилиши ва улар мунтазам янгилаб борилиши керак. Таҳририят 
раҳбарнинг 
буйруғи 
билан 
расмий 
веб-сайтдаги 
ахборотларни 
шакллантириш, жойлаштириш, шунингдек янгилаб бориш учун масъул 
бўлган шахсларни белгилаши лозим. Шунингдек, таҳририятнинг веб- 
саҳифаси “.UZ” домен зонасида ва Ўзбекистон Республикасининг ҳукумат 
порталида белгиланган тартибда рўйхатдан ўтказилиши, шунингдек 
Ўзбекистон Республикаси ҳудудида серверда жисмоний жойлаштирилиши 
керак (хостинг). 
Расмий веб-сайтдаги ахборотлар давлат тилида тақдим этилиши керак. 
Расмий веб-сайт ахборотлари бошқа тиллардаги версияга эга бўлиши 
мумкин. 
Таҳририят 
ўзининг 
расмий 
веб-сайтида 
жойлаштирилган 
ахборотларнинг йўқ қилиниши, тўсиб қўйилиши, бузиб талқин қилиниши, 
қалбакилаштирилишининг 
ҳамда 
бошқа 
шакллардаги 
рухсатсиз 
аралашувларнинг олдини олиш бўйича тегишли муҳофаза чора-
тадбирларини кўриши керак. Шу билан биргаликда, фойдаланувчиларга 
қулайлик яратиш мақсадида ОАВ веб-сайтларида жорий этиш учун 
мажбурий бўлган асосий функцияларга қуйидагилар тегишлидир: 
а) веб-сайт бўйича излаш; 
б) уяли қурилмалар учун соддалаштирилган дизайнли веб-сайт 
версияси; 
в) имкониятлари чекланган шахслар учун қўшимча қулайликларни 
тақдим этиш (контрастни қўшиш, шрифтни катталаштириш, овоз жўрлиги 
функциялари ва бошқалар); 
г) веб-сайтга хавфсиз киришни тақдим этиш (махфий ахборотни 
узатишни ёки пулли хизматлар кўрсатишни назарда тутувчи сайтлар учун); 
104
Dominick. Joseph R. The Dynamics of mass communication. New York.: 1996. р 52

---

123 
д) жамоатчилик фикрини ўрганиш воситалари ва давлат органи 
фаолиятига тегишли масалаларни муҳокама қилиш (онлайн-сўровлар, 
блоглар, форумлар); 
ж) киришларни назорат қилиш ва статистика воситалари.