Наргис Қосимова

Инфографиканинг турлари. 
Инфографиканинг бир нечта тури 
мавжуд бўлиб, булар: жадваллар, диаграмма, пиктограмма, инфокарт, Simile 
TimeLine дир. 
Жадвал. 
Рақамлар, статистик маълумотларни мантиқий боғлиқликни 
сақлаб қолган ҳолда маълум бир қонуниятга асосан тартиб билан катакларга 
жойлаштириш. У энг қадимги ва қулай ахборот узатиш тури бўлиб, унда 
асосан иқтисодий ва ижтимоий соҳаларда кенг кўламда фойдаланилади. 
Графика. 
Маълумотларнинг бир-бирига боғлиқлигини кўрсатиб X ва 
Y шаклларда кўрсатилади. 
Чизиқли графика 
энг кўп қўлланилади ва 
кўпроқ сайтларга кундалик кирувчилар сонини кўрсатиш учун ишлатилади. 

---

255 
Диаграмма
– маълумотлар мувофиқлигини кўрсатади. Аксарият 
ҳолатларда улар диаграмма ўқи атрофида жойлашади. Диаграмма ўз 
навбатида бир анча турларга бўлинади. Булар гистограмма, айлана, чизиқли, 
соҳали, нуқтали, узукли, пуфакчали ва япроқсимон ҳамда иссиқлик 
диаграммасидир. Шулардан бир нечтасини кўриб чиқамиз. 
Устунли диаграмма ёхуд гистограмма – 
маълумотлар солиштирма 
асосида турли хил ранглардаги устунларда ёхуд бир нечта бўлакларга 
бўлиниб турли хил ранглар билан ажратилган устунда берилади. 
Айлана диаграмма.
Бир нечта қисмларга бўлинган айланага фоиз 
ҳисобида жойлаштирилган маълумотларни акс эттиради. 
Майдонли диаграмма -
бир ўқ бўйлаб жойлаштирилган айланалар 
мажмуаси. Бунда айланалар бир-бири билан бирикмай, турли хил 
катталикда бўлади. 
Япроқсимон диаграмма.
Бир нечта маълумотлар катталигининг 
солиштирма кўриниши бўлиб, уларнинг ҳар бири ўқдаги нуқтага мос келади.
Иссиқлик диаграммаси
– Маълумотларнинг фоизи танлаб олинган 
спектрда турли хил ранглар асосида кўрсатилади. 
 Пиктограмма
. Белгига айлантирилган энг зарур ахборот ёки фикрга 
айтилади. Белгининг дизайни ўта содда ва осон, аудиториянинг ҳар бир
аъзоси учун тушунарли тарзда бўлиши зарур. Пиктограммага мисол 
сифатида йўл қоидалари белгиларини олиш мумкин. 
Инфокарт
бугунги кунда инфографика турларидан бири бўлиб, 
хариталар ёрдамида ахборотни визуллаштириш демакдир. Айнан инфокарт 
орқали ер юзида содир бўлаётган воқеа-ҳодисалар ҳақида кўргазмали 
ахборот бериш мумкин. 
Simile TimeLine инглиз тилидан вақт чизиғида солиштириш 
маъносини бериб, JavaScript дастурида маълум вақт бирлигида воқеа- 
ҳодисаларни акс эттириш учун қўлланилади. Аксарият ҳолатларда 
инфографиканинг ушбу тури уяли алоқа компаниялари фаолиятини
ёритишда ишлатилади.