Наргис Қосимова

Назорат учун саволлар: 
1.
Лонгрид тушунчаси ва унинг яртилишини сўзлаб беринг. 
2.
Репортаж лонгрид ва унинг хусусиятлари нималардан иборат? 
3.
Реконструктор лонгрид нима? 
4.
Портрет лонгрид деб нимага айтилади? 

---

266 
7.5. МУЛЬТИМЕДИАВИЙ СТОРИТЕЛЛИНГ
 
 
Режа: 
1.
 
Сторителлинг- жонли ҳикоя 
2.
 
Мультимедиавий сторителлингга нималар кирмайди?
3.
 
Мультимедиавий ҳикояни яратиш қийинми? 
4.
 
Сторителлинг мазмуни ва дизайнига қўйиладиган талаблар 
Тавсия этиладиган адабиётлар: 
1.
 
10 правил сторителлинга. 
https://special.theoryandpractice.ru/storytelling 
2.
 
Сторителлинг: инструкция по эффективному использованию 
историй. https://witget.com/blog/storitelling-instrukciya-po-effektivnomu-
ispolzovaniyu-istorij/ 
3.
 
Косимова Н. Мультимедийный сторителлинг или новая форма 
привлечения внимания современной аудитории. 
https://journal.fledu.uz/ru/multimediavij-storitelling-yohud-zamonavij-auditoriya-
etiborini-zhalb-ilishning-yangi-shakli/ 
4.
 
Қосимова Н. Мультимедиавий сторителлинг ёхуд замонавий 
аудитория эътиборини жалб қилишнинг янги шакли. 
http://library.ziyonet.uz/ru/book/99381 
Калит сўзлар: 
мультимедиа, сторителлинг, ҳикоя, видео, матн, 
фотосурат, аудио, графика.
 
Албатта ҳар биримиз болаликда эшитган эртагимиз бир умрга ёдда 
қолиб, умримизнинг болалик, ўсмирлик даврларида аксарият эртак 
қаҳрамонларига ўзимизни қиёслаганмиз, айнан улар орқали яхшилик ва 
ёмонлик тушунчалари орасидаги фарқни англаб етганмиз. Чунки ҳар бир 
эртак содда, ёдда қоладиган тилда ёзилган ва ҳикоя характерига эга бўлиб, 
уни ўқиган инсон эртак қаҳрамонлари оламига шўнғийди, уларнинг дарди, 
қувончи ва қайғусига шерик бўлиб яшайди, етишмаган орзуларига айнан 
эртак қаҳрамонлари билан биргаликда етишади. Сторителлинг хусусида гап 
кетар экан, айнан гапимни эртакдан бежиз бошламадим. Чунки ҳозир ёзувчи 
ва журналистлар ўртасида урф бўлаётган мазкур атама инглиз тилидан кириб 
келган бўлиб, “ҳикоя қилиш” маъносини англатади. Аммо ҳикоя қилиш 
оддий бирор воқеани сўзлаб бериш эмас, балки ўз ўқувчиларингизни айнан 
сиз билан биргаликда ана шу воқеа ичида бўлишга эришиш демакдир. Чунки 

---

267 
қачонки воқеа сизнинг ҳиссиётларингизга таъсир этса, сизга “тегиб 
кетса”гина воқеага муносабат билдирасиз, муаммо ечимига ҳисса қўшасиз.