Наргис Қосимова

 
7.4. МУЛЬТИМЕДИАВИЙ МАТЕРИАЛ ТАЙЁРЛАШ 
УСУЛЛАРИ: LONGREAD ВА STORYMAP 
Режа: 
1.
 
Лонгрид –
маълумотлар журналистиканинг ажралмас қисми 
2.
 
Репортаж лонгрид ва унинг хусусиятлари 

---

261 
3.
 
Реконструктор лонгрид
4.
 
Портрет лонгрид ва унинг аҳамияти 
 
Тавсия этиладиган адабиётлар:
 
1.
 
Лонгрид о лонгридах. https://texterra.ru/blog/longrid-o-
longridakh.html 
2.
 
Как создать лонгрид? https://tilda.cc/ru/longreads 
3.
 
Как написать лонгрид, которого читают до конца? 
https://geniusmarketing.me/lab/kak-napisat-longrid 
 
Калит сўзлар: 
мавзу, лонгрид, журналистик материал, сервис, 
платформа, инфографика. 
 
Турли мавзуларда журналистиканинг ахборот жанрлари билан 
биргаликда таҳлилий жанрларининг деярли ҳар бирида материал тайёрлаб, 
узатиш мумкин. Бу ерда журналистдан касбий маҳорат билан биргаликда 
масалани чуқур ўрганиш, унинг моҳиятини англаш талаб этилади. Бугунги 
кунда онлайн журналистикаси шиддат билан ривожланиб бораётган бир 
пайтда аудиторияга бевосита ахборотни янгича, яъни замонавий 
мультимедиа 
технологиялардан 
фойдаланган 
ҳолда 
узатиш 
долзарблашмоқда. 
Ахборотни янгича тақдим этиш усулларидан бири- лонгриддир. 
! 
Лонгрид 
– маълумотлар журналистиканинг ажралмас қисми 
сифатида бугунги кунда жаҳон журналистикасида тан олинган 
йўналишлардан бири. Мазкур ахборот узатиш технологияси долзарб 
мавзуларни ёритишнинг энг қулай ва таъсирчан шаклларидан биридир. 
Лонгрид (инг. “long read” – узоқ ўқиш) – бу ҳажмли ахборотни интернетда 
узатишнинг қулай усули.
Маълумки, катта матнларни ўқишга бугунги кунда ҳеч кимнинг вақти 
йўқ. Лонгрид эса ўз ичига матн билан биргаликда айнан шу мавзудаги 
видеоролик, инфографика, тақдимот, фон берувчи мусиқа, суратлар, 
иқтибосларни олган мажмуавий материалдир. Уларнинг барчаси ўзаро 
боғлиқ бўлиб, бир-бирини тўлдириб туради. Лонгридда мантиқий боғлиқлик, 
қисмларининг (видео, аудио, инфографика ва ҳоказо) уйғунлиги – 
иллюстратив қатор, шрифт, рангларнинг ҳажми ва сонининг бир хиллиги 
муҳим. Лонгрид бир бутун ҳикоя сифатида қабул қилиниши лозим. Яъни, 
сизнинг материалингизни очган фойдаланувчи ёритилаётган мавзунинг ичига 

---

262 
кириши лозим. Лонгриднинг яна бир хусусияти ахборотни хилма-хил тарзда 
намойиш этиш билан биргаликда, кўтарилаётган масалани ҳар томонлама 
таҳлил этишдир. Бу ҳақиқий янги кўринишдаги таҳлилий материалдир. 
Мисол тариқасида айтадиган бўлсак, лонгрид муаллифининг мақсади –
глобал иқлим ўзгариши ҳақида умумий тушунча бериш билан биргаликда, 
фойдаланувчи ҳудудида бевосита ҳаво исиши, ифлосланиши, унинг 
оқибатлари, аҳолининг мослашуви хусусида қизиқарли ҳикоя қилиш, бир хил 
тарзда чайналган, аммо долзарб мавзуни мутлақо ўзгача нуқтаи назардан 
узатишдир. Бугунги кунда лонгридларнинг бир неча турини ажратиб 
кўрсатиш мумкин: