Наргис Қосимова

Назорат учун саволлар: 
1. 
Онлайн ОАВ таҳририяти ижодий фаолиятининг ўзига хослиги 
нимадан иборат? 
2. 
Таҳририят раҳбарияти таркибига кимлар киради? 
3. 
Таҳририят жамоасининг лавозим мажбуриятлари нималардан 
иборат? 
V- БОБ. ОНЛАЙН ЖУРНАЛИСТИ ФАОЛИЯТИНИНГ ЎЗИГА 
ХОС ХУСУСИЯТЛАРИ 
5.1. 
ИНТЕРНЕТ ЖУРНАЛИСТИ ФУНКЦИЯЛАРИ ВА МАҲОРАТ 
МЕЗОНЛАРИ
 
Режа: 
1.Интернет журналисти функциялари 
2.
 
Онлайн журналистнинг маҳорати мезонлари 
 
Тавсия этиладиган адабиётлар: 
 
1.
 
 Қосимова Н. Интернет журналистикасининг технологик 
асослари. -Тошкент 2012. 
2.
 
Қосимова Н. Интернет журналистика ННТ фаолиятида. –
Тошкент, Журналистларни қайта тайёрлаш маркази. 2017 й. 
Калит сўзлар:
онлайн журналистика, ОАВ, журналист, функция, 
маҳорат. 
Интернет тизимда фаолият юритувчи журналист радио, телевидение, 
матбуотда фаолият юритувчи журналистдан фарқ қиладими? Албатта, йўқ. 
Фақатгина интернет журналисти юқорида тилга олинган журналистларнинг 

---

149 
барча хусусиятларини ўзида мужассам этган ҳолда ўз фаолиятини бажариши 
лозим. Демак, интернет журналисти функциялари қуйидагилардир: 
Баён этувчи функцияси 
ОАВ мамлакат фуқаролари муҳим масалалар юзасидан ўз нуқтаи 
назарларига эга бўлишларида ёрдам берадиган ахборотларни етказиб бериши 
керак. Халқ вакиллари ҳам ўз навбатида ОАВ орқали алоҳида инсонлар ва 
ташкилотларнинг турлича сиёсий масалаларга муносабати ҳақида ахборот 
олиб туришлари керак.
Шарҳлаш функцияси 
ОАВ ёки жамият манфаатларини акс эттирувчиси сифатида ёки 
мутлақо бетараф манфаатларни ёқлаган ҳолда мамлакатда ва дунёда рўй 
бераётган воқеаларни шарҳлаши керак.
Назорат функцияси 
Жамоатчилик манфаатларини акс эттирувчи ОАВ ҳокимият 
органларининг фаолиятини текшириши ва назорат қилиши керак.
Боғловчилик функцияси 
ОАВ мамлакатдаги сиёсий, жамоат ва касаба уюшма ташкилотлари 
ичида ҳамда улар ўртасида муносабатлар ўрнатилишига хизмат қилиши 
керак.
Юқорида санаб ўтилган қоидаларни қатъий ва бажарилиш мажбурий 
деб аташ нотўғри бўлар эди. Масалан, маълум бир сиёсий ёки жамоат 
ташкилотлари нашрларининг журналистлари олдида турган вазифалар ҳам, 
улар ёритадиган мавзулар ҳам, ана шу мавзуларга ёндошув ҳам эркин 
матбуотдан анчагина фарқ қилади.
Баён этувчи, шарҳловчи ва назорат функциялари баъзан ўзаро 
зиддиятга бориб қолади. Битта журналист бир вақтнинг ўзида мана шу учта 
функциянинг барчасини амалга ошира олмайди. Аммо шунга қарамай, 
журналистнинг жамиятдаги вазифаси: назорат қилиш, баён этиш, 
шарҳлашдан иборат бўлмоғи керак.