Намду филология факультети ўзбек тили йўналиши магистранти Солихўжаева Ҳавасхон Зокиржоновнанинг “Наманган шаҳри микротопонимиясининг тарихий-лисоний тадқиқи” мавзуидаги магистрлик диссертацияси режаси

 

        Maddoh  mahallasi  –  Namangan  shahridagi    hozirgi  Ozod  mahallasi, 

ilgari Maddoh deb atalgan. Aytishlaricha, ilgari bu yerda mozor  va machit bo’lib, 

unda  maddohlar  faoliyat  ko’rsatganlar.  Nomni  shevada  Maddah  tarzida  talaffuzi 

kuzatiladi.  Namangan  toponimiyasini  o’rgangan  mutaxassislar  ham  shu  tarzda 

qayd etganlar.

1

 

 

Mazkur  toponimga  maddoh  shaxs  oti  lug’aviy  asos  bo’lgan.  Maddoh  so’zi 

etimologik  jihatdan arabcha bo’lib,  madh asosidan  yasalgan,  maqtov, ta’rif degan 

lug’aviy ma’nolarni anglatadi.  

 

O’zbek  tilida  maddohlik  so’zi  ham  kuzatiladi.  Maddohlik  musulmon 

xalqlarida  tarqalgan  an’anaviy  aytim  yo’llaridan.  Mavzu  jihatidan  asosan 

Muhammad  payg’ambar,  Hazrat  Alining  hayoti,  ko’rgan-kechirganlari,  yurish-

turishi  va  fe’l-atvorlari  haqida  badiha  tarzida  yaratilgan  diniy  bayt,  g’azal, 

hikoyatlardan iborat bo’lgan maddohlik yo’llarini  2–3 kishidan iborat maddohlar 

guruhi Ramozon hayiti va boshqa kunlarda bayram-sayllarda,  bozor maydonlarida 

keng  xalq  ommasini  jalb  etib  ijro  etishgan.  Ta’kidlanishicha,  aruz  vaznlarida 

bitilgan  she’rlarni  baland  pardalarda,  musiqa  cholg’u  asboblari  jo’rligisiz, 

muayyan  qoidalarga  asoslangan  ohanglarda  ravon  va  ifodali  (qiroat  bilan)  o’qish 

maddohlikning  asosiy  xislatlari  bo’lgan.  Maddohlik  yo’llari  butun  O’rta  Osiyoda 

keng  tarqalgan  diniy  aytim  yo’llaridan  bo’lib,  ayniqsa,  Buxoro  shahri  va  uning 

atrofi  ijrochilik  maktablari  mashhur  bo’lgan.  Buxoroda  XX  asrning  birinchi 

choragida  ham  Maddoh  mahallasi  bo’lgan.

2

  Ma’lumotlardan  anglashiladiki,  biz 

yuqorida  keltirgan  mahalla  ham  ana  shunday  maddohlar  guruhi  yashaganligiga 

nisbat  berib,  Maddoh  deb  atalgan.  Demak,  toponim  maddohlar  yashaydigan  joy 

degan  toponimik  ma’noga  ega  bo’lgan.  Keyinchalik  ijtimoiy-siyosiy  omillar 

ta’sirida Ozod nomini olgan, iste’moldan chiqib ketgan.