Намду филология факультети ўзбек тили йўналиши магистранти Саидаҳмедова Нигора Сулаймоновнанинг “Наманган вилояти агиотопоним ва экклезионимларининг социолингвистик тадқиқи” мавзуидаги магистрлик диссертацияси

V. Son + ot modelidagi qo’shma tarkibli agitoponim va ekklezionimlar: Uchtepa (Nor.t., Chor.t.), Uchtepa – 1, Uchtepa – 2, Uchtepa – 3 (Nor.t.), Qo’shtepa (Yangi.t., Chust t.), Qo’shtepa – 1, Qo’shtepa – 2 (Chust t.), Yakkatepa (Chust t.) kabi.
Son tarkibli agitoponim va ekklezionimlar asosan uch, qo’sh, yakka so’zlari asosida yasalgan.
Qo’shma tarkibli agitoponim va ekklezionimlar morfologik tarkibida ikkinchi komponent sifatida indikatorlar faol qo’llanadi: Chodakmozor (Pop t.), Chillamozor (Pop t.), Uyg’urmozor (Pop t.), Qizmozor (To’ra. t.), Buloqmozor (Nor.t.), Terakmozor (Uchqo’r.t.), Jome’ masjidi (Kos. t.), G’o’zapoya majmui Kos. t.) kabi. Ularning tuzilishi ham albatta, yuqoridagi modellarda.
Qo’shma va murakkab toponimlar tarkibida qo’llanib, ob’ekt turini hamda qanday toponim turiga mansubligini ko’rsatuvchi lug’aviy birliklar toponimik indikatorlar hisoblanadi.¹
Har bir til toponimiyasida indikator vazifasida qo’llanuvchi lug’aviy birliklar mavjud.
Agitoponimik, nekronimik va ekklezionimik indikatorlar boshqa indikatorlar kabi quyidagi onomastik vazifalarni bajaradi:

1. 
   oykonim ifodalayotgan ob’ektning turini ko’rsatadi, konkretlashtiradi;
   
2. 
   qo’shma, murakkab tarkibli oykonimlarning shakllanishida bir komponent sifatida keladi va ob’ektni nomlashda qatnashadi;
   
3. 
   ob’ektni xarakterlaydi;
   
4. 
   ob’ektni boshqa shunday ob’ektlardan farqlaydi.²
   

Namangan viloyati qo’shma tarkibli indikator asosida yuzaga kelgan agitoponim va ekklezionimlarni o’z ichida quyidagicha guruhlash mumkin:
1. Tepa tarkibli qo’shma agitoponim va ekklezionimlar: Uchtepa (Uchqo’r., Norin t.), Qo’shtepa (Uchqo’r., Chor., Yangi. t.) kabi.
2. Mozor tarkibli qo’shma agitoponim va ekklezionimlar: Shomozor (Pop t.), Gultepamozor (Uchqo’r. t. Ozod MFY), Buloqmozor (Nor. t.), Zirkmozor (Chor. t. Alixon q.), Chillamozor (Pop t. Uyg’ur q.), Uyg’urmozor (Pop t.), Kuyukmozor (To’r.t Kuyukmozor q.), Shomozor ( Pop sh.), Tirikmozor (Pop t. G’urumsaroy q.) kabi.