Namangan muxandislik-texnologiya

BAXTSIZ HODISALARDA BIRINCHI YORDAM KO‟RSATISH

Shifokorlar kelgunga qadar baxtsiz hodisadan jabrlangan kishiga xamkasblari birinchi yordam ko‟rsatishlari kerak. Ko‟p xollarda jabrlanuvchining sog‟ligi va ba‟zan xayoti unga ko‟rsatilgan birinchi yordamning tezligi va to‟g‟riligiga bog‟liq. Shuning uchun, laboratoriyada ishlayotgan har bir kishi, jabrlangan odamga birinchi yordam ko‟rsatishning amaliy ko‟nikmalarini bilishi shart va shu bilan birga baxtsiz xodisa yuz bergan daqiqada xavfni yoki jarohat og‟irligini kamaytirish choralarini ko‟ra bilishligi kerak.

Laboratoriyada ishlaganda ko‟proq qo‟llarning termik yoki kimyoviy kuyishi, hamda qirqilib jarohatlanishi yuz beradi. Qo‟l yoki tana kuyganda quyidagi qoidalarga amal qilish kerak:

1. 
   Kislota va ishqorlar teriga to‟kilsa, hamda bir oz kuydirsa, shu joyni darhol 10...30 minut davomida vodoprovod suvi ostida yuvish kerak.
   
2. 
   Termik kuygan joyni suv bilan yuvgandan so‟ng, marganstovka eritmasi yoki etil spirti bilan yuvib, maxsus kuyganda suriladigan maz surtish kerak.
   
3. 
   Kislota bilan kimyoviy kuygan joyni suv bilan yuvgandan so‟ng 5%li natriy bikarbonat eritmasi (choy sodasi) bilan yuvish kerak. Terining ishqor bilan kuygan joyini suv bilan yuvgandan so‟ng 5%li sirka kislota eritmasi bilan yuvib yuborish kerak.
   
4. 
   Kuygan joyga mazni paxtali tampondan foydalanib, jarohatni qirmasdan surtish kerak.
   
5. 
   Juda katta teri yuzasi kuysa kislota va ishqorlar ko‟zlarga sachrasa darhol tibbiy tez yordamga murojaat qilish kerak.
   
6. 
   Qo‟l qirqilsa, jarohatni yod yoki vodorod peroksid eritmalari bilan artish
   

kerak.