Namangan muhandislik-texnologiya

O ’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI


NAMANGAN MUHANDISLIK-TEXNOLOGIYA
INSTITUTI

“MENEJMENT” KAFEDRASI


60411200 – “Menejment” (tarmoqlar va sohalar bo’yicha)
ta’lim yo’nalishi talabalari uchun
«MENEJMENTGA KIRISH» fanidan


Talabalarning mustaqil ishini tashkil etish, nazorat qilish va bajarishga oid





NAMANGAN – 2021
“Menejmentga kirish” fanidan talaba mustaqil ishini tashkil etish, nazorat qilish va bajarishga oid bo’yicha uslubiy qo’llanma 60411200 – “Menejment” (tarmoqlar va sohalar bo’yicha) ta’lim yo’nalishi talabalari uchun mo’ljallangan.

Mualliflar:
B.Dedajanov	-	NamMTI, “Menejment” kafedrasi dotsenti, iqtisod fanlari nomzodi
R.Ashurmatov	-	NamMTI, “Menejment” kafedrasi assistenti

Taqrizchilar:
T.Dedaboyev		–	NamMQI, “Menejment” kafedrasi mudiri, iqtisod fanlari nomzodi, dotsent
I.U.Ibragimov		–	NamMTI, “Menejment” kafedrasi mudiri, iqtisod fanlari nomzodi.

Ushbu uslubiy qo’llanma “Menejment” kafedrasining 2021 yil “___” ______dagi __-sonli yig’ilishida muhokama etilgan va chop etish uchun tavsiya etilgan.

Uslubiy qo’llanma NamMTI uslubiy kengashining 2021 yil “___” _______dagi ___-sonli yig’ilishida muhokama etilgan va chop etishga ruxsat berilgan.

Namangan muhandislik texnologiya institutining o’quv bo’limida ____son bilan ro’yxatga olingan

O’quv bo’limi boshlig’i B.Negmatov

“__” ______ 2021 yil


Kirish

Mamlakatimizda iqtisodiyotni yanada rivojlantirish yo’lida sa’y-harakatlar amalga oshirilmoqda. Prezidentimizning 2017 yil 7 fevraldagi Farmoni bilan tasdiqlangan 2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasi davlat va jamiyat qurilishi tizimini takomillashtirish, qonun ustuvorligini ta’minlash hamda sud-huquq tizmini yanada isloh qilish, iqtisodiyot va ijtimoiy sohani rivojlantirish, xavfsizlik, millatlararo totuvlik hamda diniy bag’rikenglik muhitini ta’minlashga qaratilgan bo’lib, unda mamlakatimiz iqtisodiyotini yuqori sur’atlar bilan rivojlantirishga katta e’tibor qaratilgan.

Qo’yilgan vazifalardan kelib chiqqan holda iqtisodiyotning turli sohalariga malakali kadrlar tayyorlash jarayonida ta’lim mazmunini milliy istiqlol g’oyalari bilan to’ldirib borish lozim bo’ladi.
Bozor munosabatlari sharoitida oliy ta’lim tizimida mutaxassislarni tayyorlashda chuqur o’zgarishlarga o’z bilim va tajribalari bilan moslasha oladigan, jahon andozalariga javob bera oladigan zamonaviy kadrlarni yetkazib berish muhim masala hisoblanadi. «Menejmentga kirish» fanidan o’quv-uslubiy modul chet el universitetlarida ushbu fanni o’qitish borasida orttirilgan tajriba asosida yozilgan bo’lib, unda bo’lajak mutaxassislarda ana shunday xususiyatlarni qaror toptirish ko’zda tutiladi.
Bozor iqtisodiyotiga o’tishda, mamlakatni ijtimoiy-iqtisodiy jihatdan taraqqiy ettirish va shu asosda jamiyat a’zolarining moddiy va ma’naviy farovonligini ta’minlashda iqtisodiyotning yetakchi tarmog’i bo’lgan sanoatning mavqei alohida o’rin egallaydi. Ana shu juda muhim soha iqtisodiy asoslarining ham nazariy, ham amaliy mohiyati va ahamiyatini tushunadigan, bu boradagi barcha yangiliklar va tashkiliy o’zgarishlarni his eta oladigan mutaxassislarni tayyorlashda “Menejmentga kirish” fanining roli alohida ahamiyat kasb etadi.
Iqtisodiy islohotlarni rivojlantirish, iqtisodiyotni jahon xo’jaligiga integratsiyalash uchun bozor mexanizmi, bozor va iqtisodiy yun’yukturani o’rganish qoidalari va uslublari, strategik rejalash asoslari, korxonaning raqobatli o’rinlariga samarali ta’sir qilish tadbirlari, zamonaviy boshqaruv sir-asrorlarini o’rgatish to’g’risida bilimlar zarur. Bozor iqtisodiyotining mohiyati, sanoat iqtisodi qonuniyati, sanoat tarmoqlarining tuzilishi va bulardagi bor xususiyatlar kabilarni aniqlash, ularni bozor talablarining hozirgi zamon darajasi tijorat sohasidagi mutaxassislarni iqtisodiyotning ilg’or g’oyalari bilan doimo tanishib turishga majbur qiladi. Shu boisdan, hozirgi vaqtda texnologik yo’nalishda taьlim olayotgan talabalarning iqtisodiyot va menejment sohasida chuqurroq bilim olishlari muhim ahamiyatga ega. Shu sababdan talabalar «Menejmentga kirish» fani bo’yicha mustaqil ishlarini bajarishlari zarurdir. Ushbu ishda sanoat korxonalarini biznes rejasini ishlab chiqish, unda boshqaruv qarorlarini qabul qilish, ishlab chiqarish holatini tahlil qilish va iqtisodiy samaradorligini oshirish yo’llari tanlab olish imkoniyatini ko’rsata olishlari kerak.