Namangan muhandislik- texnologiya instituti

Nazorat va muhokama uchun savollar

1. 
   “Innovatsion iqtisodiyot” fani nima uchun o‘qitiladi?
   
2. 
   “Innovatsion iqtisodiyot” fanining obyekti deganda nimalarni tushunasiz?
   
3. 
   “Innovatsion iqtisodiyot” fani yordamida qanday qonunlar va qonuniyatlar o‘rganiladi?
   
4. 
   “Innovatsion iqtisodiyot” fani qanday fanlar bilan chambarchas bog‘liq?
   

2-mavzu

INNOVATSION IQTISODIYOT TUSHUNCHASI VA O‘ZIGA XOS XUSUSIYATLARI

Reja:
1. Innovatsion iqtisodiyot tushunchasi.
2. Endogen va ekzogen innovatsiyalar haqida tushuncha.
3. Innovatsaviy nazariyani asosiy rivojlanish bosqichlari.

1. 
   Innovatsion iqtisodiyot tushunchasi.
   

Bozor iqtisodiyotini rivojlantirishning hozirgi bosqichida, innovatsiyalarni joriy etish, milliy korxonalar raqobatdoshligini oshirish, ularning iqtisodiy mustaqilligini va bozordagi mavqeini mustahkamlashning asosiy omillaridan biri hisoblanadi.
Mamlakatimiz rivojlanishining hozirgi bosqichida innovatsion faoliyatni rivojlantirish insoniyat taraqqiyoti va iqtisodiy o‘sishning muhim omiliga aylanmoqda. Innovatsion faoliyatni doimiy rivojlanib borishi insoniyat va ijtimoiy hayot o‘zgarishiga jiddiy ta’sir ko‘rsatmoqda.
“Innovatsion iqtisodiyot” fani “Ilmiy tadqiqot metodologiyasi”, “Ijtimoiy-iqtisodiy rivojlanishning innovatsion modellari”, “Axborot tizimlari”, “Huquqshunoslik”, “Innovatsion marketing” va “Innovatsion menejment” kabi fanlar bilan o‘zaro aloqadorlikda o‘rganiladi.
Ushbu sohada eng yangi va zamonaviy ilmiy izlanishlarni olib borgan va shu sohaga oid ilmiy asarlar muallifi bo‘lgan Jati Senguptaning innovatsiyalarga bergan ta’rifiga to‘xtalib o‘tsak. “Texnologiyalarga asoslangan innovatsiyalar mahsulot innovatsiyasi, sanoatda “ilmiy izlanish va rivojlanish”ko‘rinishidagi investitsiyalar va taqlid va takomillashtirishni o‘z ichiga olgan texnologiyalar transferini o‘zida mujassam etadi.Innovatsiyalar turli shakllarda bo‘lishi mumkin, ammo har qanday shaklda u mahsulot tannarxini kamaytirish yoki bozor talabini kengaytirishga yordam qiladi.