Наманган давлат университетида амалга оширилган ишлар ва эришилган натижалар бўйича маълумотнома

334 нафар талабалар иш билан таъминланди. Улардан 129 нафари университетнинг бошқарув ҳамда ўқувга ёрдамчи ходимлари таркибида, 137 нафар магистратура босқичи битирувчи курс талабалари бевосита ўқув жараёнида (дарс бериш), 32 нафари “Карьера” марказида, 16 нафари “NamDU Coworking markazi”да ва 20 нафари “Мебель тайёрлаш цехи”да фаолият юритмоқдалар.
Биотехнология кафедраси қошида ташкил этилган “NamDU Innovation” унитар корхонасида йилига 10-12 тонна қувватига эга цукат ишлаб чиқариш цехи, 4 тоннагача интенсив балиқ етиштириш қувватига эга Аквакультура ўқув-амалий тренажери линияси ишга туширилиши ҳисобига 100 дан ортиқ талабалар учун иш ўринлари яратилиши белгиланган.
Айни вақтда университетда 4,8 млрд. сўм миқдоридаги илмий лойиҳалар бажарилмоқда. Хусусан, 3 та Инновацион ва амалий лойиҳалари (1,3 млр.сўм), 3 та стартап лойиҳалари (1,1 млр.сўм) бажарилмоқда. 215700 АҚШ доллари (2,4 млр.сўм) миқдорида 2 та ҳалқаро грант лойиҳаси бажарилмоқда. Илмий лойиҳаларни бажаришга университетнинг 25 нафар талабалари ойлик иш ҳақи асосида жалб этилди.
Ёшларнинг 2 та стартап лойиҳаси бевосита амалиётга жорий этилди. Жумладан, “Саратон касалликларида HER2 онкомаркерини “Тumor on target” усули билан диагностика қилиш” стартап-лойиҳаси (миқдори 907,4 млн. сўм) бўйича Чуст туманида диагностика маркази ташкил этилиб, бунда 4 та янги ишчи ўрни яратилди. Диагностика маркази 1 йилда 500 нафар аёлларга тиббий хизмат кўрсатиш қувватига эга. “Анимацион ёндашув асосида бошланғич синф ўқувчиларида экологик онгни шакллантириш технологияси” стартап лойиҳаси (90,0 млн.сўм) доирасида ишлаб чиқилган экологик алифбе Наманган вилоятининг 711 та умумтаълим мактабларига етказилди.

2021-йилда университетнинг Юридик факултети ёшлар масалалари бўйича декан ўринбосари И.Атамирзаев “Маънавият фидоийси” республика кўрик-танловида, филология факултети 3-босқич талабаси М.Ҳамидуллаева онлайн аудио-видео ва шеърлар танловининг республика босқичида, “Ниҳол” жамоаси “Маърифат майдони” республика кўрик-танловида 1-ўринни эгаллади. “Ўзбекистон ёшлари форуми-2021” доирасида Республика Инновацион ривожланиш вазирлигининг “Келажак лидерлари форуми”да университетимиз ёшлари совриндор бўлишди.

Ўзбекистон Репспубликаси Олий ва ўрта махсус таълим вазирининг 2022 йил 14 февралдаги 52-сонли буйруғига биноан Наманган давлат университетидан жами 8 нафар талаба Ўзбекистон Республикаси Президенти ва номдор давлат стипендиялари совриндорлари бўлди.
Шунингдек, университетнинг таянч докторанти С.Муталов, магистрантлар А.Акбаров ва Ж.Абдуллаевларнинг тақдим этган лойиҳалари республика бўйича “Энг яхши лойиҳа” деб топилди.
Ёшларни ижтимоий ҳимоя қилиш ва қўллаб-қувватлаш бўйича 1479 нафар талабаларга 1490 млн. сўм миқдоридаги маблағ ажратилди.