Наманган давлат университетида амалга оширилган ишлар ва эришилган натижалар бўйича маълумотнома

441 та компьютер ва ноутбуклар харид қилиниб, АРМ ва ўқув жараёнларида фойдаланишга йўналтирилган. Ноутбукларнинг 80 донаси талабалар мустақил таълимини ташкил этишга йўналтирилиб, инновацион ахборот-ресурс маркази томонидан шанба ва якшанба кунлари эҳтиёжманд талабаларга вақтинчалик бериш тартиби жорий қилинган.
Университетда янги ташкил этилган йўналишлардан Даволаш иши ва Педиатрия иши йўналишларида ўқув жараёнининг амалиёт билан узвийлигини таъминлаш мақсадида Республика шошилинч тез-тиббий ёрдам илмий маркази Наманган филиали, Вилоят кўп тармоқли тиббиёт маркази, Наманган вилоят кўп тармоқли болалар тиббиёт маркази, Наманган шаҳар болалар шифохонаси, Наманган шаҳар 1-сонли шифохона, шунингдек, кўп тармоқли “Ойдин шифо”, “Дилбарой”, “Доктор А” хусусий тиббиёт марказларида талабаларнинг клиник амалиётлари тўлиқ ўтказиш йўлга қўйилган.
Юриспруденция таълим йўналиши талабаларида амалий юридик фаолият кўникмаларини шакллантириш мақсадида университетда “Юридик клиника” ташкил этилган бўлиб, унга 50 дан ортиқ талабалар ва суд-ҳуқуқ тизимида самарали фаолият кўрсатган мутахассислар жалб этилган.
Ўзбекистон Президенти томонидан илгари сурилган “бир миллион дастурчи” умуммиллий лойиҳаси доирасида талабалар, шу жумладан, ҳудуддаги IT соҳасига қизиқувчи ёшларни ўқитиш мақсадида “IT PARK” ташкил қилиниб, уларда маҳорат дарслари ва тўгараклар фаолияти йўлга қўйилиб, унга 135 нафар талаба ва 74 нафар маҳаллий ёшлар жалб этилган.
Ўзбекистон Республикаси Президентининг 2022 йил 22 июндаги 5157-сон қарори ҳамда Ўзбекистон Республикаси Вазирлар Маҳкамасининг 2021 йил 19 майдаги 312-сонли қарори ижросини таъминлаш ўқитувчилар, илмий ходим ва талабаларга хорижий тилларни ўргатиш, халқаро сертификатлар олишга тайёрлаш ва мувофиқлаштириш мақсадида университет Кенгашининг 2022 йил 18 мартдаги 8-сонли мажлиси қарорига асосан “Тил ўргатиш маркази” ташкил этилган. Бугунги кунда мазкур марказда 1600 нафар ходим ва талабалар тил ўргатиш курсларида таълим олиш мақсадида рўйхатдан ўтган. Шунингдек, университетда Россия халқлар дўстлиги университети билан ҳамкорликда рус тили бўйича халқаро сертификатлаш тестини (С1) қабул қилиш бўйича келишув-меморандуми имзоланишига эришилган.
Ҳозирги кунга қадар, талабаларнинг ўқишдан бўш вақтда ишлашларига шароит яратиш мақсадида университетда олий маълумот ва малака талаб этилмайдиган иш ўринларига