Nаmаngаn dаvlаt universiteti

II. MODULNING ASOSIY TALABLARI

Modul magistratura 1-2-kurs talabalari uchun mo‘ljallangan bo‘lib, ulardan Sharq va G’arb ma‘naviyati fanidan bazaviy bilim va ko‘nikmalarga hamda jamiyat hayotidagi ma‘naviy, ijtimoiy o‘zgarishlar haqida tasavvurlarga ega bo‘lish, shuningdek og’zaki va yozma o‘zbek tilini puxta bilish talab etiladi.

III. ANNOTATSIYA

8 ECTS – 240 auditoriya soati.

Ma‘ruza	Seminar mashg’ulot	Mustaqil ta‘lim	Jami
60	60	120	240

Modul nazariy va amaliy ko‘nikmalarni rivojlantirishga qaratilgan hamda individual va jamoaviy ishlash asosida tashkil etiladi. O’quv mashg’ulotlari davomida talabalar ommaviy axborot vositalarida chiqishlar qilishlari, ma‘naviy-ma‘rifiy tadbirlarda ishtirok etishlari nazarda tutilgan. Modul Sharq va G’arb ma‘naviyatini chuqur o‘zlashtirish bilan ma‘naviyatga doir bilim, ko‘nikma va qadriyatlarni shakllantirish orqali keyinchalik boshqa ijtimoiy-gumanitar sohalarni o‘zlashtirishga zamin yaratadi. Ushbu xususiyat orqali o‘quv moduli ham milliy, ham xorijiy talabalar uchun foydali bo‘ladi.

IV. MODULDAN KO’ZLANGAN MAQSADLAR

Magistrant talabalarga Sharq va G’arb ma‘naviyati haqida muayyan bilim va tushunchalar berish, ma‘naviyat targ’iboti to‘g’risidagi qarashlarning shakllanishi, rivojlanishini zamonaviy o‘zgarishlar, interfaol texnologiyalar bilan bog’lab o‘rgatishdan iborat. Sharq va G’arb ma‘naviyati fani asoslarining mazmun-mohiyati, uslublari, vazifalarini tahlil etish; fanning mohiyati, tarkibi, umumiy qonuniyatlarini ochib berish; Sharq va G’arb ma‘naviyatining rivojlanishidagi kontseptual yo‘nalishlar, uslublar to‘g’risida magistrant talabalarga bilim berish; talabalarda Sharq va G’arb ma‘naviyatini tizimiy funktsional jihatdan tahlil etish ko‘nikmasini rivojlantirish; ularga Sharq va G’arb xalqlari ma‘naviyatini qiyosiy tahlil qilishning nazariy-uslubiy jihatlarini o‘rgatishdan iborat.