Наманган давлат университети

Солиқ имтиѐзи – солиқ тўловчиларнинг айрим тоифаларига қонун 
ҳужжатларида белгиланган тартибда солиқ тўлашдан тўлиқ, қисман ва 
вақтинча озод қилиш шакли. 
Солиқ ставкаси – солиқларни ҳисоблашда солиқ базасининг ҳар бир 
бирлиги ҳисобига тўғри келадиган солиқ меъѐрини ифодалайди. 
Солиқ юки – солиқ тўловчининг муайян даврда бюджетга тўланган 
солиқлар ва бошқа мажбурий тўловларнинг йиғиндисини ифодалайди. 
Солиқ юкини енгиллаштириш – солиқларнинг фоиз ставкалари 
камайтириш ва имтиѐзлар яратиш. 
Солиқлар – булар мажбурий, қайтарилмайдиган тўловлар. Улар давлат 
органлари томонидан ишлаб чиқариш бирликларидан товар ва хизматларни 
ишлаб чиқарганлари учун ѐки ишлаб чиқариш омилларидан фойдалганлари 
учун олинади. 
Таннарх – маҳсулот ишлаб чиқариш ва сотиш учун кетган барча 
харажатларнинг қиймати. 
Таркибий ўзгаришлар – миллий иқтисодиётнинг самарали ва барқарор 
таркибий тузилишини таъминлаш мақсадида унинг тармоқ ва соҳаларини 
изчил равишда ўзгартириб бориш. Таркибий ўзгаришлар ўз ичига янги 
тармоқларни барпо этиш, баъзиларини кенгайтириш, айрим самарасиз, 
истиқболга эга бўлмаган тармоқларни қисқартириш каби чора-тадбирларни 
олади. 
Ташқи қарз – мамлакат ҳукумати, молия-кредит ташкилотлари, йирик 
корхоналарининг бошқа мамлакатлар молия-кредит муассасаларидан қарзга 
олган молиявий маблағларининг жами ҳажми. 
Ташқи савдо – бир мамлакатнинг бошқа мамлакатлар билан савдоси.
Ташқи савдо сиёсати – Бир мамлакатни бошқа мамлакатлар билан олиб 
бораётган савдоси (экспорти ва импорти) борасидаги сиёсати. Бунга тенг 
ҳуқуқлилик ва икки томонлама манфаат олиш кўзда тутилади. Экспорт ва 
импортнинг товар таркиби ва географик ҳажмига асосан олиб борилади. 
Тижорат банклари – саноат ва савдони қисқа муддатли кредитлар 
билан таъминлаш, шунингдек хусусий мижозларга турли турдаги банк 
хизматларини кўрсатишга ихтисослашган банклар. 
Турмуш даражаси – бу, аҳолининг зарурий, моддий ва номоддий 
неъматлар ҳамда хизматлар билан таъминланганлик ҳамда уларни истеъмол 
қилиш даражасидир.