Namangan davlat universiteti tibbiy bilim asoslari kafedrasi tibbiy bilim asoslari fanidan amaliy

Ishdan maqsad. Ovqatdan zaharlanishda birinchi tibbiy yordam ko’rsatishni o’rganish.


Zarur jixozlar: Iliq suv, qoshiq, tog’ora, isitgich, issiq choy, kofe.

Ishning bajarish tartibi. Birinchi tibbiy yordamda bemorni atayin qustirish iliq suv ko’p (0,5-2 litr) ichirib, keyin til ildizini bosishdan iborat. Oshqozonni "toza suv" chiqquncha yuvish kerak. Bemor o’zicha qusayotgan bo’lsa ham unga ko’p suyuqlik ichirish kerak. Ovqat yeyish man etiladi, (1-2 sutkagacha) lekin ko’p suyuqlik ichish buyuriladi. O’tkir davrida oshqozon yuvilgandan so’ng issiq choy va kofe beriladi. Bemorning oyoq-qo’llarida isitgichlar quyilib isitiladi. Zudlik bilan kasalxonaga olib boriladi.

Mustaqil ish. Talabalar ovqatdan zaharlanishda birinchi tibbiy yordam ko’rsatish qoidalarini imitatsiya (imo-ishora) usulida bajaradilar va daftarlariga qayd etishadi.


ZAMBURUG’LARDAN ZAHARLANISH


Nazariy tushuncha. Qo’ziqorinlardan zaharlanish zaharli qo’ziqorinlar (qizil yoki qo’lrang muxomor, soxta opyonok, qurbaqa sallasi, soxta shampinon va boshqalar) Shuningdek, ovqatda ishlatiladigan lekin, buzilgan (mog’orlangan, shilimshiq bilan qoplangan, uzoq vaqt saklangan), qo’ziqorinlar yeyilganda sodir bo’lishi mumkin.

Qaynatganda qo’ziqorinlardagi zaharli moddalar parchalanmasligini unutmaslik kerak.

Zaharlanishning dastlabki alomatlari bir necha soat (1-3 soat) dan keyin paydo bo’ladi. Zaharlangan kishini darmoni quriydi, so’lagi oqadi, ko’ngli ayniydi, ko’p marta qayd qiladi, qorni sanchib-sanchib qattiq og’riydi, boshi og’riydi, aylanadi. Tez orada ichi (ko’pincha qon aralash) va asab sistemasida o’zgarishlar paydo bo’ladi: ko’ruv qobiliyati uzgaradi, alaxlaydi, ko’ziga har xil narsalar ko’rinadi, bezovtalanib muskullari tortishadi.