Namangan davlat universiteti kimyo kafedrasi organik birikmalarning tuzilish nazariyasi

Tajriba №16.Piridinning xossalari.Ishning bajarilishi:Kichik probirkaga 2-3 tomchi piridin va uning ustiga 5 tomchi distillangan suv solinadi. Aralashma chayqatiladi. Piridinning suvdagi tiniq eritmasi hosil bo’lishi uning suvda yaxshi erishini ko’rsatadi. Hosil qilingan piridin eritmasi keyingi tajribani bajarishda ishlatiladi.

1. 
   Oldingi tajribada hosil qilingan eritmaga qizil lakmus qog’oz tutilsa u ko’karadi. Qizil lakmus qog’ozning ko’karishi piridinning suvdagi eritmasi ishqoriy muhitga egaliginin ko’rsatadi.
   
2. 
   oldingi tajribada hosil qilingan piridin eritmasiga temir (III) –xloridning suyultirilgan eritmasidan bir necha tomchi tomizilsa, qizil qo’ng’ir rangli cho’kma hosil bo’ladi.
   
3. 
   piridinning suvdagi eritmasiga mis (II)-sulfatning suyultirilgan eritmasidan tomizilsa, avval havorang mis (II)-gidroksid cho’kmasi hosil bo’lib, keyin kompleks birikmaga aylanadi. Shuning uchun dastlab hosil bo’lgan cho’kma tezda erib ketadi. Reaksiya natijasida to’q ko’k rangli eritma hosil bo’ladi. Rang piridinning mis bilan hosil qilgan kompleks birikmasiga taalluqlidir.
   
4. 
   1 ml piridinga KMnO₄ ning 2 % li eritmasidan 1 ml va natriy karbonat eritmasi qo’shiladi. Keyin aralshma qizdiriladi. Eritmaning rangsizlamnaganligi piridinning ham benzolga o’xshash aromatik birikma xususiyatiga ega ekanligini ko’rsatadi.