Namangan davlat universiteti Ingliz filologiyasi fakultetida O’zbekiston Respublikasi prezidentining 5 ta muhim tashabbusi ijrosini ta’minlash maqsadida “Ochiq osmon ostidagi muzey” iga uyushtirilgan ekskursiya bayonnomasi

Namangan davlat universiteti Ingliz filologiyasi fakultetida O’zbekiston Respublikasi prezidentining 5 ta muhim tashabbusi ijrosini ta’minlash maqsadida “Ochiq osmon ostidagi muzey” iga uyushtirilgan ekskursiya
BAYONNOMASI
23.02.2022 yil kuni Namangan davlat universiteti Ingliz filologiyasi fakultetida O’zbekiston Respublikasi Prezidenti tomonidan ilgari surilgan 5 ta muhim tashabbus doirasida talabalarni viloyatimiz hududida joylashgan tarixiy qadamjolarga sayohatlar uyushtirishni amalga oshirish maqsadida fakultet tyutori G.Xasanova boshchiligida To’raqorgon tumanida joylashgan Axsikent “Ochoq osmon ostidagi muzey”iga sayohat uyushtirildi.
Muzeyga fakultetda tahsil oluvchi XTA-DU-20,204, XTA-SR-20 219-guruh talabalari tashrif buyurdilar. Tashrif buyurganlarni muzey vakili kutib oldi va barchaga muzey tarixi, uning barpo etilishi, u yerda mavjud tarixiy manbalar va boshqa asori-atiqalar haqida batafsil ma’lumot berdi. Shuningdek, mazkur hududning qadimiy tarixi, u yerda yashagan xalqlar va ularning turmush tarsi, bir necha asrlar davomida qarovsiz holga kelib qolganligi, uning sabablari va boshqa ma’lumotlar taqdim etildi. Muzey xodimi tomonidan Axsikent hududida qadimda rivojlangan hunarmandchilik, me’moriy obidalarning qurilishi va Temuriylar tomonidan davlat boshqaruvidagi asosiy hudud sifatida foydalanilganligi tashrif buyurgan talabalarda katta qiziqish uyg’otdi.
Shuningdek, talabalarni qiziqtirgan savollarga atroflicha javob berildi va muzeyning ichki va tashqi qismi to’la tanishtirildi. Ayniqsa, muzeyda saqlanayotgan qadimiy va tarixiy manbalar, sopol buyumlar, ro’zg’or yig’ilganlar e’tiborini tortdi. Suhbat jarayonida hozirgi kunga kelib hududga nisbatan horijiy davlatlar vakillari tomonidan katta qiziqish bildirilayotganligi va kelgusida amalga oshirilishi ko’zda tutilgan ulkan qurilish va ta’mirlash ishlari haqida ma’lumot berildi.
Tashrifdan ko’zlangan maqsad, yoshlar ma’naviyatini yuksaltirish, ularda tarixiy obidalarimiz va qadimiy me’rosimizga nisbatan hurmat ruhida tarbiyalash va ular to’g’risida boy tasavvurga ega bo’lishlarini ta’minlash, tarixiy va ilmiy bilimlarini yanada oshirishdan iborat. Bunday sayohatlarni tashkil etish talabalar orasida ilmiy maqolalar yozishlari va o’zlari yashab turgan hudud to’g’risida yetarli bilim va ko’nikmalarga ega bo’lishlari, mamlakat tarixini chuqur egallashlariga xizmat qiladi.

Axsikent muzeyining ichki qismi

Ingliz filologiyasi fakulteti tyutori: G.Xasanova