Namangan davlat universiteti ijtimoiy fanlar fakulteti arxivshunoslik yo’nalishi arx-bu-20 guruhi talabasi ernazarov javohirning

NAMANGAN DAVLAT UNIVERSITETI IJTIMOIY FANLAR FAKULTETI ARXIVSHUNOSLIK YO’NALISHI ARX-BU-20 GURUHI TALABASI ERNAZAROV JAVOHIRNING

DAVLAT MUASSASALARI TARIXI

FANIDAN QAYTA TOPSHIRISH ISHI

SALJUQIYLAR DAVLATINING BOSHQARUV TIZIMI VA HARBIY, SIYOSIY TARIXI

Reja:

• Saljuqiylar davlating vujudga kelishi
• Saljuqiylar davlatining davlat boshqaruv tizimi
• Saljuqiylar davlatida harbiy unvon va mansablar
• Saljuqiy hukmdorlarning hukmronlik yillari

Saljuqiylar sulolasi turkiy o’g’uz qavmining qiniq urug’i yoki qabilasidan chiqqan bo’lib, hozirgi Janubiy Qozog’iston hududlariga to’g’ri keluvchi Sirdaryoning o’rta oqimidan Talas vodiysigacha, Sirdaryoning quyi oqimlarida ko’chib yuruvchi etnik guruhlar bo’lgan. Manbalarning ma’lumotlar berishicha, bu sulolaning paydo bo’lishi qiniq qabilasi vakili bo’lgan, Saljuq nomi bilan bog’liq edi.

X asrning o’ratalarida o’g’uzlar Yabg’usining xizmatida bo’lib, yirik harbiy unvon-“Suboshi” unvoniga savozor bo’ladi. Bu haqida Mahmud Qoshg’ariy “Saljuq Su-boshi” deya ma’lumot beradi. X asrning ikkinchi yarmida ko’plab o’g’uz qabilalari o’z davlatlarini tuzdilar. Saljuqiylar X asr oxirlarida dastlab Nurota tog’lari hududlariga ko’chib keladilar. Bu o’g’uzlarning boshlig’i Saljuqbekning nabiralari aka-uka To’g’rulbek Muhammad va Chug’rulbek Dovud edilar.