Namangan davlat universiteti fizika matematika fakulteti fizika kafedrasi

Ishning o’rganilish darajasining qiyosiy taxlili: yurtimizning fizik olimlari: P. Habibullayev, A.Boydedayev, A. Bahromovlar [10], [11], [12] umumta’lim maktablari uchun hozirgi zamon fani va unga qo’yilayotgan talablarni e’tiborga olgan holda fizika fani darsliklarini yaratdilar. B.Mirzaxmedov, N.G’ofurov, B.Ibragimov, G.Sagatova [9], G.S.Uzoqova, Q.Sh.Tursunov M.Qurbonovlar kabi juda ko`plab olimlar umumiy o’rta ta’limda fizika o’qitish metodikasini ishlab chiqdilar. Yaratilgan adabiyotlar fizika fanini o’quvchilar tomonidan o’zlashtirishlarida juda katta ahamiyatga egadir. Elektr o’lchov asboblari bo’yicha A.Gerasimov, A.S.Popov, A.S.Kasatkin, I.I.Ivanov va yurtimizning A.S.Karimov, A.Xonboboev, S.F.Amirov, X.Rixsitillaev kabi bir qator olimlarining ishlari diqqatga sazovordir. Yurtimiz olimlari fizika, xususan fizikaning elektr bo’limi, elektr o’lchov asboblari haqidagi materiallari va uni o’qitish bo’yicha uslublarni ishlab chiqishlariga qaramay umumiy o’rta ta’lim maktablari fizikasining elektr bo’limini elektrotexnika fannining elektr o’lchov asboblari bo’limi bilan bog’liqligiga e’tibor qaratilmagan.

Davlatimiz kelajagi va manfaatlari uchun viloyatimizda elektr taqchilligini oldini olish uchun Prezidentimiz farmoni bilan ushbu muammoni yechimi uchun qurilayotgan elektr stansiyasi katta ahamiyatga ega. Ishlab chiqariladigan energiya taqsimoti doimo o’lchanib boriladi. Shuning uchun fizika mashg’ulotlarida o’lchov asboblari to’g’risidagi bilimlarni berilishi bugungi kun talabi ekanligi nuqtai nazaridan bitiruv malakaviy ishi mavzusini tanlashimizga asos bo’ldi.

Tadqiqotning ilmiy yangiligi: umumiy o’rta ta’lim maktablari fizika kursida elektrotexnika fanining elektr o’lchov asboblari haqidagi bilimlardan foydalanish.