Namangan davlat universiteti b. T. Ataxanov, M. B. Isabayev fuqarolik jamiyati fanidan

JAHON AXBOROT AGENTLIGI
—
 
O‗zbekiston Respublikasi Tashqi ishlar 
vazirligining axborot agentligi. 1995-yil 8-noyabrda tuzilgan. Asosiy vazifasi – xorijiy 
mamlakatlarni O‗zbekistonning siyosiy, ijtimoiy-iqtisodiy va madaniy hayoti to‗g‗risida 
o‗z vaqtida, malakali xabardor qilish uchun milliy axborot agentliklari va xalqaro axborot 
markazlari bilan doimiy aloqani ta‘minlash; respublika hayotiga oid axborot 
byulletenlari, ma‘lumotnomalar, kataloglar, bukletlar, gazeta va jurnallar nashr etish, 
kompyuter, foto hamda audio-vizual mahsulotlari tayyorlash va chet ellarda tarqatish; 
xorijiy mamlakatlar iqtisodiyoti, jahon bozori kon‘yunkturasi, xalqaro tashkilotlar, 
O‗zbekiston bilan xamkorlik qilishdan manfaatdor bo‗lgan yetakchi xorijiy kompaniyalar 
va firmalarning faoliyati to‗g‗risida axborot to‗plash va uni respublikada 
ommalashtirishdan iborat. 
JAHON BOZORI
— xalqaro mehnat taqsimotida ishtirok etish bilan o‗zaro 
bog‗langan mamlakatlar o‗rtasidagi barqaror tovar-pul munosabatlari tizimi. J. b. tovar, 
mehnat, kapital va valyuta bozorlari majmuidan tashkil topadi. J. b.da barcha 
mamlakatlar tashqi savdosining majmuini ifoda etadigan xalqaro savdo amalga oshiriladi. 
J. b. xalqaro birjalar, savdo uylari, banklar, sug‗urta kompaniyalaridan iborat bo‘lgan o‗z 
infratuzilmasiga ega. J. b. to‗lovlar va hisob-kitoblar xalqaro pul vazifasini o‗tovchi 

---

142 
barqaror, erkin almashtiriladigan valyutalar, mas., AQSH dollari, Yaponiya ienasi va 
evroda olib boriladi. 
JAHON CHERKOVLARI KENGASHI
— ekumen (xristianlik konfessiyalarini 
birlashtirish tarafdori bo‗lgan) harakatning rahbar organi. Uch protestant harakati 
(«E‘tiqod va tartib», «Hayot va faoliyat», Xalqaro missionerlik kengashi)ning qo‗shilishi 
yo‗li bilan 1948-yilda Amsterdamda jahon cherkovlarining 1-assambleyasida tuzilgan. 
Maqsadi cherkovlar o‗rtasida diniy e‘tiqod sohasida mavjud bo‗lgan tafovutlarni qiyosan 
o‗rganib chiqish va amaliy faoliyat sohasida ularni birlashtirish yo‗li bilan yagona 
xristian uyushmasini vujudga keltirish bo‗lgan. J.Ch.K.ga 110 ga yaqin mamlakatning 
345 dan ortiq cherkovi kiradi. Qarorgohi Jeneva shahrida joylashgan.