Namangan davlat universiteti b. T. Ataxanov, M. B. Isabayev fuqarolik jamiyati fanidan

JAHON POCHTA ITTIFOQI
— xalqaro davlatlararo tashkilot; BMTning 
ixtisoslashgan muassasasi (1947-yildan). 1874-yil 9-oktabr kuni asos solingan. I Xalqaro 
pochta kongressida tashkil etilgan (1875). 1878-yil gacha Umumiy pochta ittifoqi deb 

---

143 
atalgan. Vazifasi pochta xizmatini yaxshilash, shu sohada hamkorlikni taraqqiy ettirish, 
rivojlanayotgan mamlakatlarda pochta xizmatini tashkil etish va takomillashtirishda 
texnika yordami ko‗rsatishdan iborat. Hozirgi kunda 192 davlat a‘zo. O‗zbekiston 
Respublikasi 1994-yildan a‘zo. Asosiy organlari: Jahon pochta kongressi, Ijroiya 
kengashi, Pochta ekspluatatsiyasi kengashi va Xalqaro byuro. Oliy organi – kongress, 5-
yilda bir marta chaqiriladi. J.p.i.ning rasmiy tili fransuz tili, ish jarayonidagi tili – ingliz, 
ispan, rus tillari. «Pochta ittifoqi» jurnali, kongresslar hisoboti va b.ni nashr qiladi. 
O‗zbekiston vakillari 21-kongress (1994-yil Seul shahar), 22-kongress (1999-yil Pekin 
shahri)da qatnashgan. J.p.i. idorasi Shveytsariyadagi Bern shahrida joylashgan. 
JAHON SAVDO PALATASI
 
(International Chamber of Commerce, ICC)
— 
jahon ishbilarmon va tadbirkorlar doiralari va birlashmalari federatsiyasi. 1919-yil 
Atlantik Siti (AQSH)da o‗tkazilgan xalqaro savdo konferensiyasida tuzilgan. 1920-yildan 
boshlab faoliyat ko‗rsatadi. 100 dan ortiq mamlakat milliy S.p.larini birlashtiradi. Sobiq 
SSSRda 1932-yilda tuzilgan Butunittifoq savdo palatasi JSP ga a‘zo bo‗lgan va 1959-
yilda boshqa ittifoqdosh respublikalar kabi O‗zbekistonda ham bu palataning respublika 
bo‗limi tuzilgan (1972-90-yillarda savdosanoat palatasi). JSP xalqaro tijorat faoliyati 
standartlarini, xalqaro iqtisodiy siyosat va tajribalar asosida tavsiyalarni ishlab chiqadi, 
turli mamlakatlar ishbilarmonlarining hamkorligini yo‗lga qo‗yadi, xalqaro iqtisodiy 
muammolarni hal etishga ko‗maklashadi va b. JSP tarkibida 15 xalqaro komissiya, 
ixtisoslashgan maxsus organlar (xalqaro arbitraj sudi, xalqaro savdo palatalari byurosi va 
b.) ishlaydi. Idorasi Parijda joylashgan.