Naftion kislota (natriyli tuzi)

Savollar va topshiriqlar

1. 
   p-Nitroanilin olishning boshqa usullarini keltiring.
   
2. 
   Anilinning nitrat kislota bilan to’g’ri nitrolanganda nima hosil bo’ladi?
   
3. 
   p-Nitroanilinning mavjud izomerlarini yozing va nomlang.
   

22-laboratoriya ishi. β – naftoloranj sintеzi

Kerakli asboblar: 100 ml li 2 ta stakan, termometr
Kerakli reaktivlar: sulfanil kislota –2,5 g, natriy nitrit –1 gr, β–naftol–2 g, osh tuzi 12 g, 2 n li natriy gidroksid eritmasi, 4 n li xlorid kislota eritmasi.
Stakanda 2,5 g sulfanil kislotani 65 ml 2 n li natriy gidroksid eritmasida qizdirib eritiladi va hosil bo’lgan eritmaga 1 g natriy nitritning 12 ml suvdagi eritmasi quyiladi. Reaksion aralashmani 10 ⁰C gacha muzli suv bilan sovitilgandan so’ng, aralashtirib turilgan holda cho’kma tushishi tugaguncha 4 n li xlorid kislota eritmasi qo’shiladi. Hosil bo’lgan p-diazobenzolsulfokislotani reaksion aralashmasini, boshqa stakanda 2 g β–naftolni 25 ml 2 n li o’yuvchi natriyda qizdirib tayyorlangan eritmasi ustiga sovutilgan holda qo’shiladi.
Bir necha minutdan so’ng to’q sariq kristallar hosil bo’la boshlaydi va uning eruvchanligini kamaytirish uchun 12 g osh tuzining eritmasi qo’shiladi. Aralashma sovutiladi va filtrlanadi.
β-naftoloranj unumi 4 g (79%).
Savollar va topshiriqlar

1. 
   Qanday bo’yoq moddalarni bilasiz?
   
2. 
   Diazotirlash reaksiyalariga misollar keltiring.
   
3. 
   Diazobirikmalarning tuzilishi va izomerlariga misollar keltiring va nomlang.
   
4. 
   Metiloranjning eritma muhitiga qarab rangini o’zgartirishi qanday bo’ladi?