Naftion kislota (natriyli tuzi)

Savollar va topshiriqlar

1. 
   Atsetanilid hosil qilish reaksiya tenglamasini yozing.
   
2. 
   Atsetanilid nitrat kislota bilan ta’sirlashganda qanday oraliq mahsulotlar hosil bo’ladi? Reaksiya tenglamalarini yozing.
   

21-laboratoriya ishi. p-Nitroanilin sintez qilish

Kerakli asboblar: shtativ, 250 ml hajmli kolba, qaytarma sovutgich, Byuxner voronkasi, Bunzen kolbasi
Kerakli reaktivlar: p-Nitroatsetanilid – 8 g, 25% li sulfat kislota – 40 ml, 10% li natriy gidroksid eritmasi.
250 ml li tubi yumaloq kolbaga p-nitroatsetanilid (8 g) va 25% li sulfat kislota (40 ml) solinadi va qaytarma sovutgich ulanib, to’liq eriguncha qaynatiladi. Issiq eritma burmali filtr qog’ozda filtrlanadi va xona haroratigacha sovutiladi. Ustiga 10% li natriy gidroksid eritmasidan ishqoriy muhitgacha qo’shiladi (universal indikator qog’oz yordamida tekshiriladi). Cho’kma Byuxner voronkasida filtrlanadi, suv bilan yuviladi. Qayta kristallash suyultirilgan suvda amalga oshiriladi. Ochiq havoda quritiladi. Sariq rangli p-nitroanilin kristallarining chiqish unumi 5,5 g (72%), suyuqlanish harorati 145-147 ^oC.