Nafas olish sistemasi kasalliklariga quyidagilar kiradi

Mavzu:Nafas olish a’zolarining kasalliklari.O’pkadan qon ketishda shifokorgacha yordam. Bronxial astma xurujida dastlabki yordam.
Reja:
1.Nafas olish a’zolarining kasalliklari.
2.O’pkadan qon ketishda shifokorgacha yordam.
3.Bronxial astma xurujida dastlabki yordam.
Nafas olish sistemasi kasalliklariga quyidagilar kiradi:
• Bronxit
• O'tkir bronxit
• Surunkali bronxit
• Astma
• Tuberkulyoz
• Faringit
• Traheyit
• O'pka shamollashi
• Rinit
• Gaymorit
• O’pka saratoni
Bronxit — bronxlar (asosan shilliq pardasi)ning yalligʻlanishi. Nafas aʼzolarining koʻp uchraydigan kasalliklaridan biri. B. oʻtkir va surunkali boʻladi. Kasallikni koʻpincha pnevmokokklar, gemolitik streptokokklar, stafilokokklar, gripp virusi, Fridlender tayoqchasi va boshqa keltirib chiqaradi. Sovuqqotish, spirtli ichimliklarni suiisteʼmol qilish, tamaki chekish, baʼzi kimyoviy moddalardan surunkali zaharlanish; yuqori nafas yoʻllarida infeksiya oʻchogʻi borligi (sinusit, gaymorit) ham oʻtkir B. rivojlanishiga sharoit tugʻdiradi. Kasallik quruq yoʻtal, toʻsh atrofida ogʻriq, yuqori nafas yoʻllarining oʻtkir yalligʻlanishiga xos oʻzgarishlar, tumov bilan boshlanib, keyin yalligʻlanish bronxlarga tarqaladi, muskullar qaqshab ogʻriydi, koʻkrak sohasida qisilish his qilinadi, yoʻtal dastlab quruq boʻlib, keyin balgʻam ajraladi, gavda harorati koʻtariladi, gripp bilan ogʻrigan bemorlarning lablariga uchuq toshadi va boshqa Oradan bir necha kun oʻtgach, kasallik batamom tuzaladi
O'tkir bronxit
O’tkir bronxit — bronxlar shilliq qavatining o’tkir diffuz yallig’lanishi bo’lib, aksariyat xollarda infeksiya ta’sirada rivojlanadi va yo’tal xamda nafas qisishi bilan kechadi.
Nafas a’zolari kasalliklari ichida o’tkir bronxit 30-40% ni tashkil qiladi.
Aksariyat xollarda fasilga sovuq kunlarda, baxor va kuzda, gripp epidemyasida va boshqa respirator kasalliklar vaqtida aniqlanadi.