Nabaviy hadislar

HALIMLIK FAZILATI
10

---

86
Imom Abu Hanifa Xalqaro Islom Akademiyasi
NABAVIY HADISLAR 1-QISM
10
ROVIY HAQIDA
—
Yettinchi hadisda bu hadisning roviyasi ummul-mo‘miniyn 
Oisha
onamiz haqida ma’lumot berildi. O‘sha joyni topib, qaytadan o‘qing.
—
Ko‘p sadaqa qilish va ko‘p ro‘za tutish, tahajjud namozlarida qoim 
bo‘lish Oisha onamizni boshqalardan ajratib turadigan sifatlardan 
edi. Bunga yana bir misol quyidagi rivoyatda kelgan: 
Muoviya raziyallohu anhu Oisha onamizga yuz ming dirham jo‘nat
-
di. Onamiz esa bu molni shu kunning o‘zidayoq tarqatib yubordilar. 
O‘zlari ro‘zador bo‘lishlariga qaramay, bir dirham ham olib qolmadilar. 
Xizmatkorlari: “O‘zingiz uchun, biz uchun biror dirham qoldirmabsiz-
da, go‘sht sotib olardik, iftor qilardingiz”, — deganida, Oisha onamiz: 
“Eslatmabsizda, agar eslatganingizda shunday qilardim”, — dedilar. 
(Tazkiratul-huffaz, 13-tarjimaihol).
— Jiyanlari Qosim ibn Muhammad ibn Abu Bakrdan rivoyat qilinadi: 
“Ertalab uydan chiqqan zahotim birinchi Oisha onamizning uylariga 
borib, salom berar edim. Bir kuni nafl namoz o‘qib turganlarini ko‘rdim. 
“
Alloh bizga marhamat qildi va samumdan
(badanlarni ilma-teshik 
qilib yuboradigan do‘zaxiy shamoldan) 
saqladi”
degan oyatni o‘qib, 
yig‘lar va uni qayta-qayta o‘qir edilar. Men kutib charchadim, keyin 
o‘zimning yumushlarim bilan bozorga ketdim. Qaytib kelsam, hali 
ham tik turgan hollarida yig‘lab, namoz o‘qiyotgan ekanlar” (Sifa
-
tus-safva kitobi, 2/31).
XULOSA VA SABOQLAR
1. Qo‘pollikdan yaxshilik chiqmaydi.
2. Halimlik, yumshoq muomala qilish barcha yaxshiliklarning asosidir. 
3. Hamma ishlarda muloyim bo‘lish sunnatdir. 
4. Halimlik ishlarga chiroy va go‘zallik beradi. 
5. Qo‘pollikning yomon oqibatlaridan biri shuki, qaysi ishga aralashma-
sin uni xunuk ko‘rsatadi. 
6. Musulmon odam yaxshi amallarga haris-ishtiyoqmand bo‘lgani hol-
da, qabih ishlardan uzoq turadi. 
7. Halimlik payg‘ambar va solih insonlarning sifatlaridandir. Zero, 
payg‘ambarlar mukammal bo‘ladilar va insonlarni komillikka chaqi-
radilar. 

---