Nabaviy hadislar

---

NABAVIY HADISLAR
ISTANBUL-2022
1-qism
ةيملاسلإا مولعلل ةيلودلا ةفينح يبأ ماملإا ةميداكأ

---

---

3
ةيملاسلإا مولعلل ةيلودلا ةفينح يبأ ماملإا ةيميداكأ
MUQADDIMA
Olamlar Parvardigori Allohga hamd-u sanolar, payg‘ambarlarning 
so‘nggisi Muhammad sallallohu alayhi va sallamga salovot-u durudlar 
bo‘lsin!
Rasululloh sallallohu alayhi va sallamning sunnatlari buyuk Islom 
dinimizning Qur’oni karimdan keyingi ikkinchi manbaidir. Sunnat Qur’oni 
karimning amaliy tatbiqidir. Sunnat yordamida Alloh taoloning buyruqla-
rini atroflicha tafsiloti bilan o‘rganamiz. Sunnat bizni Alloh taoloning eng 
suyukli bandasi — habibimiz Rasululloh sallallohu alayhi va sallamning 
hayotlari qanday o‘tgani bilan tanishtiradi.
Qo‘lingizga ushbu hadis fanining qo‘llanmasini taqdim etar ekanmiz, 
undagi hadislardan o‘zingizga munosib ma’lumot va o‘rnaklar olasiz, de-
gan umiddamiz. 
Bu qo‘llanma sizga Rasululloh sallallohu alayhi va sallamning bir 
qancha odob-axloqlarini o‘rgatadi. Rоstgo‘ylik, sabr-bardosh, hamjihat
-
lik, o‘zini qo‘yib o‘zgaga ilinish, sir saqlash, ochiq yuzli bo‘lish, yaxshi 
ishlarda o‘ng qo‘lni ishlatish, mehmondo‘stlik, yumshoqlik, tilni saqlash 
shular jumlasidandir. Shuningdek, husni xulqning fazl-u savobi hamda 
uning shaxsga va jamiyatga bo‘ladigan samaralari haqida ham o‘rgana
-
siz. 
Kitob so‘ngida esa atrof-muhitni muhofaza qilish va uning ahamiyati 
haqida so‘z boradi. 
Payg’ambarimiz sallallohu alayhi va sallamning yo‘llariga ergashish 
uchun yordamchi bo‘ladigan eng yaxshi vasila hadislarini yaxshilab 
o‘qib-o‘rganishdir. Bu esa sizning Rasululloh sallallohu alayhi va sallamni 
yaxshi ko‘rishingizga amaliy dalildir.
Ushbu kitobni hozirlashda o‘quvchining yoshi, imkoniyatlari, qobili-
yatiga mos keladigan yangicha ta’lim usullariga, hadis fanining poydevori 
sanalgan ilmiy asoslar uyg‘un bo‘lishiga e’tibor qaratdik.
Kitobni tayyorlashda mavzularning ketma-ketligi va quyidagi jihat
-
larga ahamiyat berildi:

---