N6-bob. Kompyuter tarmoqlari va tarmoq texnologiyalari reja

6.11.1-rasm. Signalning modulyatsiya turlari

a- amplitudali b- fazoviy c- chastotali

Diskret ma’lumotlarni boshqacha kodlash tizimi – bu raqamli kodlashtirish. Shulardan biri – bu NRZ koda (Non Return to Zero – nolga qaytmaslik) – eng oddiy usul bo‘lib, 1 va 0 larni signalning potensiali orqali kodlaydi.

6.11.2-rasm. NRZ raqamli kodlashtirish
Bu yerda nol katta kuchlanish bilan, bir esa kichik kuchlanish bilan (yoki teskari) kodlanadi. Bir bayt uzatilish davrida, uni bitli interval deyishadi, kabeldagi signal kuchi o‘zgarmaydi.

NRZ afzalliklari quyidagilardan iborat:

• 
  amalga oshirilishi oddiy;
  
• 
  liniyaning o‘tkazuvchanligi minimal bo‘ladi.
  

Kamchilliklari:

• 
  sust sinxronlashgan, ya’ni ichki soatlar abonentlarda farqlansa, bitli intervallar har xil bo‘ladi, demak ma’lumotlar noto‘g‘ri o‘qiladi;
  
• 
  xabarlar aniq uzunlikka ega, ya’ni xabarni qabul qilish start bitidan boshlanib, aniq uzunlikdagi bitlar qabul qilingach, qabul to‘xtaydi.
  

Raqamli kodlashning keyingi usuli bu RZ (Return to Zero – nolga qaytish). Bu yerda kodlash potensialning uchta qiymati bo‘yicha amalga oshiriladi. Nolga musbat impuls, birga manfiy (yoki teskari). Nollik impuls esa sinxronizatsiyalash uchun ishlatiladi.