N6-bob. Kompyuter tarmoqlari va tarmoq texnologiyalari reja

Kompyuter tarmoqlarining boshqarilishi bo‘yicha tasnifi

Hisoblash tarmoqlari boshqarilishi bo‘yicha markazlashtirilgan yoki markazlashtirilmagan bo‘lishi mumkin.

Markazlashtirilgan tarmoqlarda bitta yoki bir necha server bo‘lib hamma ma’lumotlar va buyruqlar shu kompyuterlar orqali bajariladi.

Ajratilgan kompyuterlarning diski, qaysikim fayl-server yoki ma’lumotlar bazasi serveri deb ataladi, hamma kompyuterlar uchun ochiq deb hisoblanadi. Serverda maxsus dastur, ya’ni tarmoq operatsion tizimi ishlashi zarur. Ko‘pincha bu ko‘p masalali operatsion tizimdir. Qolgan kompyuterlar ishchi stansiya deb ataladi.

Fayl-serverlar ajratilgan yoki ajratilmagan bo‘lishi mumkin . Ajratilgan fayl-serverni ishchi stansiya sifatida ishlatish mumkin emas.

Ajratilgan serverli tarmoqning afzalligi:

• 
  axborotni himoyalashning ishonchli tizimi;
  
• 
  tezkor harakat;
  
• 
  ishchi stansiyalar sonining cheklanmasligi.
  

Kamchilligi esa – bu server uchun bitta kompyuter ajratilishi tufayli tarmoqning narxini qimmatlashtirishi.

Ajratilmagan fayl-server esa tarmoqni boshqarish bilan birgalikda foydalanuvchi bilan bevosita muloqotda bo‘lishi mumkin.

Markazlashtirilgan tarmoqlarda ishlatiladigan operatsion tizimlarning quyidagi xarakteristikalari amalda e’tiborga olinadi:

• 
  ishchi stansiyalarning soni bilan ish unumdorligining bog‘liqligi;
  
• 
  ishonchliligi;
  
• 
  administratsiyalash imkoniyatlari;
  
• 
  himoya vositalari;
  
• 
  ishchi stansiya operativ xotirasida joylashgan operatsion tizim hajmi;
  
• 
  bir necha serverlarni joylashtirish imkoni.