N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

Po'lat rezervuarlarining jihozlari.
Rezervuarlardan to'g'ri foydalanish va ularning xavfsizligini ta‘minlash maqsadida ular kerakli asbob uskunalar, jihozlar bilan ta‘minlangan. Masalan: qabul qiluvchi - tarqatuvchi quvur (patrubka), yorig'lik kiruvchi, o'lchovchi lyuklar, “xlopushka” nafas oluvchi klapan, gidravlik saqlovchi klapanlar olovdan
saqlovchilar, sath o'lchovi, ko'pik genaratori va boshqalar. Qabul qiluvchi - tarqatuvchi quvur, mahsulotni qabul qilib olish tarqatish ishlarini bajaradi. O'lchovchi lyuk - neft mahsulotini, suv osti mahsulotni balandlik sathini aniqlashda hamda namunalarni olish uchun xizmat qiladi.


IX.2-rasm. Po‘lat rezervuar jihozlarining joylashish chizmasi:
1-yorug‘lik lyuki; 2-shamollatish patrubkasi; 3-nafas oluvchi klapan;4-yong‘indan saqlovchi klapan; 5-o‘lchash lyuki; 6-mahsulot sathini o‘lchovchi asbob; 7-kirish lyuki; 8-sifon krani; 9-«xlopushka»; 10-qabul qiluvchi-tarqatuvchi patrubka; 11-chiqarib turuvchi moslama;
12-«xlopushka»ning boshqaruvchisi.


IX.3-rasm. Pontonli rezervuar:
1-Neft uzatuvchi quvur. 2-Neft oluvchi quvur. 3-rezervuarning korpusi. 4-ponton. 5-nafas oluvchi
klapan. 6-alangalanishdan saqlovchi quvur. 7-pontonni chegaralovchi qurilma.

IX.4-rasm. Suzuvchi quvurli rezervuar:
1-yomg'ir suvlarini yig'ib to'kuvchi quvur; 2-neft uzatuvchi quvur; 3-yig'ilgan neftni jo'natuvchi quvur. 4-rezervuarning korpusi. 5-suzib yuruvchi qopqoq, 6-qopqoq bilan rezervuarni ajratuvchi.

Kirish lyuki, rezervuarni pastki qismida joylashgan bo'lib, u orqali ichki qismini tozalash, ta‘mirlash hamda shu ishlarni bajarish davomida shamollatishga mo'ljallangan. Yorug'lik lyuki, tepada joylashgan bo'lib, rezervuar ichiga yorug'likni tushishi va shamollatish uchun xizmat qiladi. Xlopushka qabul qiluvchi - tarqatuvchi quvurning ishdan chiqqan paytida, neft mahsulotlarini to'kilishini oldini olish uchun xizmat qiladi. Nafas oluvchi klapan rezervuarning ichki bo'shlig'ini atmosfera bilan bog'lash uchun xizmat qiladi. Gidravlik saqlovchi klapan, nafas oluvchi klapanning ishdan chiqqan paytida rezervuar ichidagi ortiqcha bosimni kamaytirish uchun xizmat qiladi. Olovdan saqlovchi klapan - olov yoki uchquni nafas oluvchi klapanlar orqali rezervuarlar ichiga kirishini oldini olish uchun xizmat qiladi.