N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

SEPARATSIYA (AJRATISH) - gazlarni suyuq yoki qattiq zarrachalardan holi qilish: qattiq va suyuq aralashmalarni tarkibiy qismlarga ajratish.
NEFTNI BARQARORLASH - neft olinayotgan konlarda kimyoviy mahsulot va yonilg'i sifatida foydalanish maqsadida engil uglevodorodlar (CH4 dan C4H10 gacha)ni ajratib olish.
TURBOKOMPRESSOR -gazni siqib uzatadigan turbinali kompressor.
UGLEVODORODLI (NEFTLI) GAZ - yonuvchi (neftli) tabiiy gaz yer po‘stida yoki mustaqil gaz uyumi sifatida, neft uyumlari bilan bog‘liq holda namoyon bo‘ladi. Ayrim hollarda neft konlarining ustida gaz shapkasini hosil qiladi. Neftli gaz tarkibida metan, etan, propan, butanlar bo‘ladi. Metan ko‘proq gaz uyumlarida uchraydi va miqdori 98% yetadi. Ayrim hollarda gazda og‘ir uglevodorod bug‘lari-pentan, geksan va geptan bo‘ladi. Undan tashqari gazda karbonat angidrid gazi (CO2), azot (N2), oz miqdorda geliy, argon, neon va serovodorod (H2S)lar uchraydi.
UGLEVODORODLAR - molekulalari faqat uglerod va vodorod atomlaridan tuzilgan organik birikmalar. Ular molekulyar og‘irligi va kimyoviy strukturasiga qarab gazsimon, yengil, og‘ir, suyuq va qattiq hollarda bo‘ladi. Uglevodorodning to‘yingan, to‘yinmagan turlari ham mavjud. Tuzilishiga qarab atsiklik va izotsiklik uglevodorodlarga ajratiladi. Uglevodorod ko‘pchilik neft va yonuvchi gazlarning asosiy komponenti.
AROMATIK UGLEVODORODLAR - molekulasida benzol yadrosi bo‘lgan uglevodorodlar. Aromatik uglevorodning eng asosiy vakillari benzol (C6H6) va umumiy formulasi C4H4-6 bo‘lgan benzol gomologlaridir (masalan, toluol-C6H5-CH3, stirol-C5H6-CH=CF2 va boshqalar). Benzol yadrolaridagi kondensirlangan aromatik uglevodorodlarga naftalin, antrotsen, fenantren va boshqalar kiradi. Aromatik uglevodorodning asosiy manbai toshko‘mirni kokslash natijasida olinadigan mahsulotlardir. Neftdan ham ko‘p miqdorda aromatik uglevodorodlar olinadi. Ba'zan sintetik usullar yordamida aromatik ketonlar, aldegidlar, kislotalar hosil qilish mumkin.
OG'IR UGLEVODORODLAR - tabiiy gazda uchraydigan metanning gazsimon gomologeni.