N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

NEFT ZICHLIGI - +20^oC da aniqlanadi va u 0,730-1, 06 g/sm³ teng.
NEFTNI ISITISH - neftning yopishqoqligini pasaytirish va reologik hossalarini oshirish maqsadida neftni isitish jarayoni.
KORROZIYAGA QARSHI QATLAMLAR - buyumlarni tashqi muhitning korrozion ta'siridan saqlash, ko'rkamlashtirish uchun ularning sirtiga qoplanadigan yupqa qatlam. Uning metalli (ruxlash, kadmiylash, nikellash, xromlash, qalaylash, qo'rg'oshinlash, tilla suvi yugurtirish); lak-bo'yoqli; shisha emalli, oksid pardali (qoraytirish, anodli ishlov berish), rezina bilan qoplash, plastmassa va bitum bilan moylash xillari mavjud.
DINA-STARK ASBOBI - neft yoki tog' jinsi namunasidagi suvning miqdorini o'lchashga mo'ljallangan asbob.
PUAZ - dinamik qovushqoqlikning o'lchov birligi; o'zaro 1 sm/sek nisbiy tezlik bilan harakatlanayotgan, bir-biridan 1 sm masofada joylashgan 1 sm² yuzaga ega bo'lgan ikki suyuqlik qatlamiga 1 dina kuch bilan ta'sir qilayotgan suyuqlikning qovushqoqlik birligi.
REAGENTLAR - eritmalarning struktura-mexanik xossalarini tartibga solib turuvchi moddalar.
NODIR GAZLAR - argon, kriton, ksenon, geliy, neon va boshqa gazlardan tashkil topgan.
REZERVUAR - gaz va suyuqliklar saqlanadigan har xil sig‘imli idish (havuz, bak, ballon). Yer ustiga, yerga, yer ostiga o‘rnatiladigan xillari mavjud. U metal, yog‘och, tosh, beton va temir betonlardan yasaladi. Saqlanadigan materiallarning har xilligiga qarab rezervuarga har xil ishlov beriladi. Masalan: kislotalar saqlanadigan rezervuar uchun kislota bardosh materiallar ishlatiladi.
NEFT VA GAZNING TO'PLANISHI - neft, gaz va suv sifatini talabga javob beradigan darajada tayyorlash va ularni foydalanuvchiga tashib yetkazib berish jarayoni.
AJRATGICH (SEPARATOR)- separatsiyani amalga oshiradigan apparat. Ishlash tartibi suyuqlik yoki qattiq jism komponentlarining fizik xususiyatlari (zarrachalarining shakli, massasi, solishtirma og‘irligi, magnit va boshqalar) orasidagi farqqa asoslangan. Markazdan qochma, magnit, tindirma, pnevmatik, ishqalanma, elektr va boshqa xillari bo‘ladi.