N. X. Ermatov, D. G‘. Azizova, N. M. Avlayarova, B. Yu. Nomozov, R. S. Bekjonov, A. I. Abdirazakov

IX.7-rasm. Rubin-2 qurilmasi.

Tovar neftning oqimi filtrdan (9), zichlik o‘lchagichdan (10) o‘tib turbinali sarf o‘lchagichga (11) boradi. Turbinali sarf o‘lchagichning (11) ishida turbinacha aylanib turadi va uning aylanishi elektr impulsga aylanib tovar neftini hajm miqdorini hisobga oluvchi qurilma - joydagi avtomatika bo‘lmasiga (JAB) ga uzatiladi. So‘ngra tovar neftining hajm kattaliklari avtomatik ravishda haroratning o‘zgartmalarini hisobga olgan holda zichlik o‘lchagichning ko‘rsatkichlariga ko‘paytiriladi. Blokning ustki qismida sarf o‘lchagichga (11) ko‘paytirishdan hosil bo‘lgan kattalik yoziladi.

Rubin - 2 ning asosiy ko‘rsatkichlari:
Maksimal o‘tkazuvchanlik qobiliyati, t/kun
Ishchi bosim, MPa
Tarkibidagi suv, %
Neft harorati, ⁰C
Neftning qovushqoqligi,⁰Ct
Tovar neftini o‘lchashdagi yo‘l qo‘yilishi mumkin bo‘lgan nisbiy xatolik, %

10000

2,45
10

+5 dan + 60 gacha
100

0,5


Vertikal silindr rezervuarlar.
Kon xududida joylashtirilgan neft saqlagichlar har xil sig‘imli idishlar bo‘lib, ular neftni yig‘ish, qisqa vaqt saqlash, xom va tovar neftni hisobini olish uchun xizmat qiladilar. Bir joyda joylashgan saqlagichlar guruhi - saqlagichlar parki deb yuritiladi. Kon maydonida joylashgan bunday saqlagichlar guruhi yig‘uv punkti deb ataladi. Suvsizlantirish va tuzsizlantirish qurilmalaridan o‘tgan neftni saqlash uchun xizmat qiladigan saqlagich parklari tovar parklari deb ham yuritiladi.
Neft saqlagichlarning konning o‘zida joyida quriladi. Ular metalldan yoki temir betondan qurilib, yerning ustki qismida, yerning ostki qismida, hamda yarmi yerning ostki va yarmi yerning ustki qismida joylashishi mumkin. Keyingi ikkitasi faqat temir betondan quriladi.
Saqlagichlar bo‘yi va hajmiga qarab qalinligi 4-10 mm li po‘latdan yasaladi. Saqlagichlarning tubi 5 mm qalinlikdagi po‘latdan ishlanadi. Saqlagichlarning sig‘imi 100-10000 m³ gacha bo‘ladi. Saqlagichlarning «tomi» qalinligi 2,5 mm li po‘latdan ishlanadi.