N. Narzullayev 26- kutubxonaсhisi I. Bozorovning yanvar oyi uchun tuzgan ish rejasi

___________________________________________
Mumtoz qo’shiq va raqs
Sahna ko’rinishi.
Izohlovchi:
Zahiriddin Muhammad Boburning umri deyarli taloto`plarda, jang-u jadallarda o`tgan, hatto ijod uchun xilvatga chekinishga ham hamisha vaqt topavermagan. Shuning uchun Bobur she’riyatida kurashchan ruh ustuvor. Endigi, umri kurashlarda o`tgan shoir hayotidan bir lavha tomosha qiling.
Saroy ichkarisi. Mohimbegim qizlari Gulbadanbegim, Gulrangbegim, egachisi Xonzodabegim va yaqinlari bilan mushoira o‘tkazmoqdalar.
- Kanizak :Malikam, shoh hazratlati va valiahd shahzoda tashrif buyurmishlar.
(Boburshoh va Xumoyun kirib kelishadi)
- Mohimbegim: Xush kelibsizlar, marhabo.
- Xumoyun: Assalomu alaykum.
- Assalomu alaykum, hazratim.
- Assalomu alaykum padari buzrukvor.
- Xush kelibsiz,otajon!
- Boburshoh: Valaykum assalom, xush ko`rdik, omonmisizlar.
- Xonzodabegim: Inim Boburjon, o`zingiz omonmisiz, sog`lig`ingiz yaxshimi?
- Boburshoh: Ollohning panohida, shukur. Har gal sizlarning nafis majlislaring‘iz menga olam-olam sevinch, dilimga orom va ilhom bag‘ishlaydur. Marhamat, davom ettiraveringlar.
- Mohimbegim: Hazratim, biz sizlarni kutib turgandik. Jigarlaringiz va farzandu arjumandlaringizning tilagiga ko‘ra o‘zingiz boshlab bersangiz.
- Boburshoh: Azizlarim, shu kunlarda tez-tez xotirotlarga berilayapman.
- Yodingizdamu, Mohimbegim? Hisor tog`laridan oyoqyalang toqqa chiqib,mashaqqat ila Afg`on yeriga o`tkan erdik.O`shanda issiqdan qiynalib, oyoqlarimiz qonab, tog`ga chiqarkanmiz nogahon bir shabboda esib ro‘ymolingizning bir uchi mening yuzimni silab o`tdi. Men bu holdan nogahon kuch olib, shiddat ila tog`dan oshgan erdim. Kecha tunda o‘shal kunlarni eslab, yog`lig`ingiz haqida shunday g`azal bitdim.
- Majlis ahli: Eshitaylik, tinglaylik.
Boburshoh:
Yog`lig`ingkim,jon bila men xastadurmen,zor anga,
Xasta jonlar rishtasidindur magar har tor anga?

Evrulur boshingg`ayu gohi yuzunga yuz qo`yar,

Bu jihattin ot emish ”gulpech”u gah ”gulzor” anga.

Bir chamandur sahnikim,bo`lg`ay binafsha sarbasar,

Tegrasi gulzordurkim,bo`lmag`ay bir xor anga.

Yag`lig`ing tokim yuz-u ko`zungga tegmish,bordurur

Yuz meningdek zor-u yuz ming kibi bemor anga.

Ey ko`ngul,yuz pora qilsa yor tig`i,g`am yema,

Lutf etib,gar bog`lar o`lsa yog`lig`ingni yor anga.

Ko`nlum ista yog`lig`ingni,balki andin bir nasim

Yetsa Boburg`a erur jon birla minnatdor anga!
- Xonzodabegim: Tasanno inim Boburjon.