N. M. Mahmudov, A. Nurmonov, A. Sh. Sobirov

134-mashq. 
Gaplarni  ko‘chiring,  ularda  ilgari  surilgan  g‘oyalarga 
munosabat  bildiring.  Ahillik  deganda  nimani  tushunasiz,  shu  haqda 
fikringizni  ayting.
1. 
Qayerda  ahillik  bo‘lsa,  o‘sha  yerda  qut-baraka  bo‘ladi. 
(«Tafakkur gulshani») 
2.  O‘simlikni  qancha  parvarish  qilsang, 
shuncha  mo‘l  hosil  olasan.  3.  Soy  qanchalik  tez  oqsa,  u  shunchalik 
sayoz  bo‘ladi.  («Tafakkur gulshani»)  4.  Odamlar  ishdan  qolmasin 
deb,  marosimni  soat  besh  yarimga  tayin  qilganmiz.  (Said Ahmad) 
5.  Sizni  suvdan  o‘tkazib  qo‘ymasam,  menga  bergan  noningiz 
harom  bo‘lg‘ay.  (P. Qodirov)
135-mashq. 
Ko‘chiring.  Bosh  va  ergash  gaplarni  aniqlang.  Bosh  gap 
kesimining  ifodalanishini  tushuntiring. 
1.  Endi  sizlarga  muborak  topshiriq  shuki,  har  biringiz  alohida-
alohida  ketasiz.  (M. Mansurov)  2.  Toleyim  shulki,  jahonda 
bir  guliston  tanladim.  (Hamid Olimjon)  3.  Muhammad  Yusuf 
ijodining  o‘ziga  xos  xususiyati  shundaki,  u  juda  oson  o‘qiladi, 
sodda,  xalqchil.  (O. Sharafuddinov)  4.  Buning  natijasi  shu 
bo‘ldiki,  To‘laganning  qanshariga  musht  tushdi.  (Abdulla Qahhor) 
5.  Keragi  shuki,  ana  shu  miqqiyni  ham  boqish  kerak.  (G‘afur 
G‘ulom
)  6.  Qizig‘i  shundaki,  shu  ko‘rinishiga  ovozi  muloyim  edi. 
(F.Musajonov) 
 
136-mashq.
  Yozma  nutqda  bosh  gapning  ostiga  to‘g‘ri  chiziq, 
ergash  gapning  ostiga  to‘lqinli  chiziq  chiziladi.  Quyida  berilgan  gaplarni 
ko‘chiring,  bosh  va  ergash  gaplar  ostiga  kerakli  chiziqlarni  chizib, 
ajrating.
1.  O‘tinni  yorib  bo‘lib,  mollarga  xashak  ham  solib  qo‘ya 
qolay  deb,  og‘ilxonaga  kiruvdim. 
(X.  To‘xtaboyev) 
2.  Meni 
http://eduportal.uz

---

64
ko‘rib  qolmasin  deb,  darrov  yuzimga  ko‘rpani  tortib  oldim.                   
(X.  To‘xtaboyev)  3. 
Otabek  og‘zidan  nimaiki  eshitgan  bo‘lsam, 
bir-bir  so‘zlab  berdim. 
(Abdulla  Qodiriy)  4. 
Jalol  polvon  yana 
Qo‘chqor  to‘g‘risida  gapirib  qolishmasin  deb,  asli  kamgap  odam 
bo‘lishiga  qaramay,  uzundan  uzoq  gap  boshladi. 
(Said  Ahmad)     
 
5.  Kimki  uloqni  shu  chuqurgacha  olib  kelib  tashlasa,  bir  qo‘y, 
ellik  so‘m  pul,  bir  to‘n  oladi. 
(Tog‘ay  Murod) 
 
137-mashq. 
Gaplarni  o‘qing,  bosh  va  ergash  gaplarni  ajrating, 
bog‘lovchi  vositalarga  izoh  bering. 
1.  Eshikdan  kirib  kelgan  bola  ham  biz  uchun  tabarruk  odam, 
chunki  u  —  mehmon.  2.  Siz  aytgan  muddatda  ulgurolmasam  kerak, 
chunki  ko‘p  so‘qmoqlardan  o‘tishga  to‘g‘ri  keladi.  Bilasizki,  tog‘ 
so‘qmoqlari  juda  tor  va  tik  bo‘ladi.  3.  Bahorda,  ma’lumki,  o‘tgan 
yozning  mevasi  tamom  bo‘lgan,  yangisi  hali  chiqmagan,  shuning 
uchun  hamma  narsa  qimmat  bo‘ladi.  4.  Daraxtlar  borki,  bir  umr 
o‘zgarmaydi.  Guldasta  qancha  ko‘p  xil  guldan  yasalsa,  shuncha 
chiroyli  bo‘ladi. 
(R.Hamzatov)
138-mashq.
  Uyga vazifa.
  Tushirib  qoldirilgan  bog‘lovchi  vositalarni 
joy-joyiga  qo‘yib,  gaplarni  ko‘chiring. 
1.  Dutor  chalib  o‘tir  (deb, -ki, -sam),  tori  uzilib  ketdi. 
(Qo‘shiqdan)
  2.  Kim  izlan  (chunki, -sa, ekan),  u,  albatta,  o‘z 
maqsadiga  yetadi.  («Otalar so‘zi») 3.  Toleyim  shu  (ekan, -sa, 
-ki),
  jahonda  bir  guliston  tanladim.  (Hamid Olimjon)  4.  Kim 
vaqtini  zoye  qil  (toki, -mas, -sa), bas,  bu  vaqt  uning  dushmanidir. 
(Bahouddin Naqshband)