N. M. Mahmudov, A. Nurmonov, A. Sh. Sobirov

BAHRA OLMOQ 1
  Foyda,  manfaat,  naf  olmoq.  2  Lazzat,  huzur, 
rohat  olmoq.  3  Ilhomlanmoq,  ruhlanmoq;  ta’lim  olmoq.
http://eduportal.uz

---

89
HIKMAT  1
  Aql-zakovat,  donolik  va  uning  ifodasi  bo‘lgan,  uni  aks 
ettiruvchi  gap-so‘z;  fikr;  donolik  belgisi.  2  Tagini  anglash  qiyin  bo‘lgan, 
yashirin  bir  ma’no,  yashirin  bir  sabab.     
NAFOSAT
  Narsa  va  hodisalarning  tashqi  ko‘rinishidagi  alohida 
mukammallikni,  mutanosiblikni  ifodalovchi  belgilar  majmuyi;  nafislik, 
go‘zallik,  latofat.
IBRAT
  Namuna,  o‘rnak  bo‘ladigan  ish,  xatti-harakat  va  shu  kabilar.
 198-mashq. 
«O‘tkan  kunlar»  romanidan  olingan  parchani  o‘qing, 
«Yurgan  –  daryo,  o‘tirgan  –  bo‘ryo  emish»  degan  gapga  munosabat 
bildiring. 
–  Savdo  bilan  qanday  shaharlarga  bordingiz,  bek?  –  deb 
qutidor  so‘radi. 
–  O‘zimizning  shaharlardan  ko‘pini  ko‘rdim,  –  dedi  bek,  – 
o‘ris  shahardan  Shamayga  ham  bordim. 
–  Ha,  ha,  siz  Shamayga  ham  bordingizmi?  –  deb  Ziyo  shohichi 
ajablandi.
–  O‘tkan  yili  borg‘an  edim,  –  dedi  bek.  –  Borishim  noqulay 
bir  vaqtga  to‘g‘ri  kelib,  ko‘b  mashaqqatlar  chekdim.
–  Chin  savdogar  siz  emishsiz,  –  dedi  qutidor,  –  biz  shu  yoshqa 
kelib  hali  o‘zimizning  kattaroq  shaharlarimizni  ham  ko‘ralmadik; 
siz  o‘risning  Shamayigacha  borg‘ansiz.
–  Yurgan  –  daryo,  o‘tirgan  –  bo‘ryo  emish,  –  dedi  Аkram 
hoji.  (Abdulla Qodiriy) 
199-mashq. 
Uyga vazifa.
  Yuqoridagi  matn  asosida 
«Yurgan – 
daryo  ...»
  mavzusida  hikoya  yozing.
http://eduportal.uz

---

90