N. M. Mahmudov, A. Nurmonov, A. Sh. Sobirov

183-mashq.
 
Ko‘chirma  gap  va  muallif  gapini  topib,  ularning  o‘rnini 
aniqlang.  Tinish  belgilarining  qo‘yilishiga  e’tibor  bering.
1.  «Hunari  va  odobi  bo‘lmagan  kishidan,  –  deydi  Mahmud 
Koshg‘ariy,  –  baxt  va  davlat  ketadi».  2.  Abu  Rayhon  Beruniy 
aytadi:  «Yaxshi  xulq  yaxshilikning  alomatidir».  3.  Alisher  Navoiy 
shunday  demish:  «Oz-oz  o‘rganib,  dono  bo‘lur,  Qatra-qatra  yig‘ilib 
daryo  bo‘lur».  4.  «Temur  tuzuklari»da  shunday  deb  bitilmish: 
«Tajribamdan  ko‘rilgankim,  azmi  qat’iy,  tadbirkor,  hushyor,  mard 
va  shijoatli  kishi  mingta  tadbirsiz,  loqayd  kishidan  yaxshiroqdur».
1.  Ko‘chirma  gapli  qo‘shma  gaplarda  muallif  gapi  bilan  ko‘chirma 
gap  qanday  tinish  belgilari  bilan  ajratilishi  haqida  so‘zlang.
2.  Muallif  gapi  bilan  ko‘chirma  gapning  o‘rni  almashtirilsa,  tinish 
belgilari  o‘zgaradimi?
184-mashq.
  Uyga vazifa.
  Ko‘chirma  gap  va  muallif  gapini  aniqlab,  
tinish  belgilarini  qo‘yib,  ko‘chiring.
1. Odob  o‘rgatsalar,  quloq  sol  deydi  Yusufiy  Birov  odob 
o‘rgatsa,  o‘rganmagan  kishi  hayvon  kabidir.  2.  Alisher  Navoiy 
deganlar  Befoyda  so‘zni  ko‘p  aytma  va  foydalig‘  so‘zni  ko‘p 
eshiturdan  qaytma.  3.  Navbat  o‘ziga  kelganda,  ayvondan  turib 
Maxdum  baqirdi  Ra’no,  akangning  qo‘liga  suv  quy!  (Abdulla 
Qodiriy
)  4.  Ha  dedi  Nafisa  qat’iy  qilib  aytmoqchi  emas  edim, 
endi  aytadigan  bo‘ldim.  (Asqad Muxtor)