N. M. Mahmudov, A. Nurmonov, A. Sh. Sobirov

57-dars. ISH QOG‘OZLARI USTIDA ISHLASH
Bilib oling.
 
Ariza,  bildirishnoma,  tilxat,  tushuntirish  xati, 
bayonnoma,  ishonchnoma  va  shu  kabi  hujjatlar  rasmiy 
uslubda  yoziladi
.
! Esda saqlang.
 
Мuayyan  nutqiy  qolip,  qat’iy  odat  tusiga  kirib 
qolgan  shakllarga  ega  bo‘lgan  nutq  uslubi 
rasmiy  uslub 
sanaladi.
253-mashq
.
  Matnni  o‘qib,  qanday  nutq  uslubiga  mansubligini  ayting.
Toshkent  shahar  Sergeli  tumanidagi 
6-umumiy  o‘rta  ta’lim  maktabi  direktori 
S.Yo‘ldoshevga 
9-sinf  o‘quvchisi  Karimjon  Salimovdan
http://eduportal.uz

---

117
TUSHUNTIRISH  XATI
Men  onamning  qattiq  betobligi  tufayli  o‘n  kun  davomida  darslarga 
kela  olmadim.  Qoldirgan  darslarimni  o‘zlashtirib  olishga  va’da  beraman.
Ilova:  Onamning  kasalligi  haqidagi  ma’lumotnoma.
      (sana)                  (imzo)                K.  Salimov
254-mashq.
 
Ko‘chiring.  O‘ziga  xos  uslubiy  belgilarning  ostiga 
chizing.
Termiz  tumani  16-umumiy  o‘rta  ta’lim 
maktabi  direktori  K.Komilovga 
9-sinf  o‘quvchisi  H.Akbarovdan
ARIZA
Meni  ingliz  tili  chuqurlashtirilib  o‘qitiladigan  9-«A»  sinfiga 
o‘tkazishingizni  so‘rayman.
(sana) 
 
 
(imzo)  
 
H.  Akbarov
255-mashq.
 
«
Ish yuritish
»
  amaliy  qo‘llanmasi  (Toshkent: 
«
O‘zME
»
 
nashriyoti,  2015)  kitobidan  olingan  parchani  o‘qing,  ma’lumot-axborot 
hujjatlari  haqidagi  tavsiflarni  esda  saqlang.
Ma’lumot-axborot  hujjatlari  anchayin  katta  guruhni  tashkil 
qiladi,  ular  ish  yuritish  jarayonida,  ayniqsa,  ko‘p  ishlatiladi.  Bu 
guruh  ariza,  bayonnoma,  bildirishnoma,  dalolatnoma,  ishonchnoma, 
ma’lumotnoma,  tavsifnoma,  tavsiyanoma,  taklifnoma,  tarjimayi  hol, 
tushuntirish  xati,  hisobot  kabi  hujjatlarni  o‘z  ichiga  oladi.  Xususan, 
ariza  –  muayyan  muassasaga  yoki  mansabdor  shaxs  nomiga  biror 
iltimos,  taklif  yoki  shikoyat  mazmunida  yoziladigan  rasmiy  hujjat. 
Ariza  amaliyotda  eng  ko‘p  qo‘llanadigan  va  keng  tarqalgan  ish 
qog‘ozidir.  Maktab  o‘quvchisi  va  talaba,  agronom  yoki  fermer, 
muhandis  va  olim,  tadbirkor  va  mansabdor  shaxs  –  jamiyatning 
barcha  a’zosi  ariza  yozadi.  Ariza  yozuvchilarning  yoshi  va 
http://eduportal.uz

---

118
lavozimi,  ariza  yo‘llanayotgan  muassasalar  va  idoralar  g‘oyat  xilma-
xildir.  Arizalar  bog‘cha  mudirasiga,  maktab  direktoriga,  oliy  ta’lim 
muassasasi  rektoriga,  korxona  direktoriga,  tuman  rahbariyatiga  – 
xullas,  oddiy  arizachining  taklif,  iltimos  yoki  shikoyatini  ko‘rib 
chiqib,  hal  qila  oladigan  har  qanday  idora,  har  qanday  boshliq 
nomiga  yozilishi  mumkin.               
 256-mashq.
  Do‘stingizga  xat  yozing.  Uning  o‘ziga  xos  uslubiy 
belgilarini,  masalan,  ariza,  buyruqdan  farqini  ayting.
1.  Ish  yuritish  hujjatlariga  nimalar  kiradi?
2.  Arizada  nimalarga  e’tibor  beriladi?
3.  Ish  yuritish  hujjatlari  qanday  turlarga  bo‘linadi?