N. M. Alovddinova Ilmiy va pedagogik xizmatlar markazi direktori

Birinchi bosqich. 
Bog‘dorchilik pichog‘i yordamida shoxlarni kesishni 
o‘rganish (21-rasm).
5-amaliy mashg‘ulot
Ishning maqsadi:
o‘simlik shoxlarini bog‘dorchilik pichog‘i va tok qaychi 
yordamida kesishni o‘rganish.
Jihozlar: 
bog‘dorchilik pichog‘i, tok qaychi, qo‘lqop, xavfsizlik texnikasi 
qoidalari bo‘yicha yo‘riqnoma.
Ishning bajarilish tartibi
O‘simliklarga ishlov beradigan asbob-
uskunalardan foydalanish
Qurib qolgan shoxlarni kesishda kesiladigan joyning pastrog‘idan chap qo‘l bilan 
ushlab turilgan shox o‘ng qo‘lning bosh barmog‘i bilan pichoq tig‘iga tomon siqiladi 
va o‘tkir burchak ostida qirqiladi. 
Qirqayotganda o‘ng qo‘l ortga tomon harakatlanishi lozim. Ko‘pincha kesish 
jarayonida pichoqning tig‘iga yelim va o‘simlik sharbati yopishib, uni ifloslantiradi. 
Shuning uchun mo‘ljallangan ish yakunlanganidan so‘ng pichoq tig‘ini benzin kabi 
suyuqliklarda namlangan latta yoki yumshoq najdak qog‘oz bilan tozalab qo‘yish 
lozim. 
Muammoli topshiriq
@edurtm_uz

---

188
QISHLOQ XO‘JALIGI TEXNOLOGIYASI YO‘NALISHI
21-rasm. 
Bog‘dorchilik pichog‘i yordamida shoxlarni kesish usuli.
Ikkinchi bosqich. 
Tok qaychi yordamida shoxlarni kesishni o‘rganish (22-rasm).
To‘g‘ri kesish usuli
Noto‘g‘ri kesish usuli
Jodisimon tok qaychi 
yordamida kesish usuli
Tok qaychining o‘tkir tig‘i 
qoldirilayotgan asosiy 
shox tomoniga o‘tkaziladi 
va ortiqcha shoxcha 
keskin harakat bilan 
qirqiladi.
Tok qaychi bilan 
ishlayotganda, uning 
o‘tmas tig‘i asosiy shox 
tomonida bo‘lmasligi 
lozim. Aks holda, 
novdada to‘nkacha hosil 
bo‘lishi mumkin.
Tok qaychining o‘tkir tig‘i 
uning qattiq tirkagichi 
tomon harakatlanib, 
o‘simlik poyasi yoki 
shoxchasini tep-tekis va 
toza kesadi.
22-rasm.
Tok qaychida kesish usullari.
2. Ishni yakunlash, ish o‘rnini yig‘ishtirib, tartibga keltirish. 
3. Asbob-uskuna va maxsus idishlarni tozalash, yaroqsiz yoki nosoz holga 
kelganlari haqida o‘qituvchiga xabar berish.
ESLATMA
Mazkur amaliy mashg‘ulotni xona sharoitida yoki maktab bog‘ida xavfsizlik 
texnikasi qoidalariga amal qilgan holda bajarish mumkin.
@edurtm_uz

---