Н. Ж. Сотволдиев, З. С. Абдуллаев

 
VIII. БИТИРУВ МАЛАКАВИЙ ИШИНИНГ
ТУЗИЛИШИ ВА МАЗМУНИ 
 
Битирув малакавий ишини бажаришда мавзу бўйича кўриладиган 
масалаларнинг тасдиқланган режага мос келиши ва қўйилган масалани тўла 
ёритилишига алоҳида эътибор бермоқ керак.
Битирув малакавий ишининг ҳар бир бўлими мувофиқ асослар, 
қарорлар ва хулосалар билан ёритилади. Битирув малакавий ишида, илгари 
бажарилган мустақил ишларнинг натижалари ёки бошқа муаллифларнинг 
илмий маърузалар ва мақолалари, ҳисоб-графика ишлари, курс ишлари ва 
лойиҳалари (албатта, номлари кўрсатилган ҳолда) таҳлилий-қиёсий 
маълумотлар сифатида акс эттирилиши ёки улардан фойдаланиш мумкин. 
Тушунтириш қисми битирув малакавий ишнинг мазмунини қисқа ва 
муайян шаклда ифодалаши лозим. Зарурий ҳолларда тушунтириш қисмга 
графиклар, расмлар, эскизлар, диаграммалар, схема ва бошқалар, шунингдек, 
зарурий қўшимча ахборот ёзилган электрон шаклдаги маълумотлар илова 
этилиши мумкин. 
Битирув малакавий ишининг таркибига мавзуси, мақсади ва 
вазифаларидан келиб чиққан ҳолда электрон шаклдаги тақдимот 
материаллари киритилиши мумкин. 

---

Битирув малакавий ишининг тўла очиб бериш учун қатор бўлим ва 
боблардан иборат бўлиши керак. Иш тузилишининг оптимал кўриниши 
қуйидагича бўлиши мумкин: титул варағи, мундарижа, кириш, учта боб, 
хулоса, фойдаланилган адабиётлар ва иловалар.
Титул варағи.
Титул варағи ишнинг биринчи варағи ҳисобланади. 
Титул варағида муаллифнинг, илмий раҳбарининг, маслаҳатчининг ҳамда 
кафедра мудирининг имзоси қўйилади (2-илова). 
Мундарижа.
Бунда кириш қисми, боблар, параграфлар, хулоса, 
адабиётлар рўйхати ва иловалар кетма-кетликда ифодаланади (3-илова). 
Кириш 
қисмида мавзуни танлашнинг асосланиши, унинг долзарблиги 
тавсифи ва моҳияти, мақсад ва вазифалари шу билан билан бирга илмий ва 
амалий аҳамияти баён қилинади. Бу ерда мавжуд муаммоларни ечимини 
ишлаб чиқишда инвестицияларнинг ўрни, ташкилот, муассаса ва 
корхоналарнинг техник-иқтисодий тавсифи қисқа қилиб ёритилади.