Н. Ж. Сотволдиев, З. С. Абдуллаев

II. БИТИРУВ МАЛАКАВИЙ ИШИНИ БАЖАРИШ
МАҚСАДИ ВА ВАЗИФАЛАРИ 
 
Битирув малакавий ишини бажариш олий таълим муассасаси 
бакалавриятида талабаларни ўқитишнинг якуний босқичидир. 
Битирув малакавий ишини бажаришдан мақсад: 

таълим бўйича назарий ва амалий билимларни мустаҳкамлаш ва 
кенгайтириш, олинган билимларни муайян илмий, техникавий, ишлаб 
чиқариш, иқтисодий, ижтимоий, маданий вазифаларни ҳал этишда 
қўллаш; 

ижодий ишлаш, ҳал этилаётган масаланинг (муаммонинг) қўйилиш 
жараёнидан бошлаб, уни тўла ниҳоясига етказиш бўйича қарор қабул 
қилишда бўлган масъулиятни ҳис этишга ўргатиш; 

замонавий ишлаб чиқариш, иқтисодиёт, техника ва маданиятнинг 
ривожланиши 
шароитида 
талабаларни 
мустақил 
ишлашга 
тайёргарлигини таъминлаш;
 

---


битирув малакавий ишида ўрганилаётган муаммоларни ҳал этишда 
ички ва хорижий инвестицияларни ўрнини ёритиб бериш; 

ишлаб чиқилган ечим, лойиҳа ёки ғояни асослаш ва мутахассислар 
даврасида ҳимоя қилишдан иборат. 
Битирув малакавий иши битирувчи талаба томонидан мустақил 
бажарилган, маълум соҳанинг муаммоларига бағишланган изланишлар 
асосида бажарилиши керак. Ишнинг мазмуни битирувчининг етуклиги, 
мустақил фикрлаши, ўз соҳасининг муаммолари ечимида хорижий 
инвестицияларни жалб этиш имкониятларини акс эттириши лозим. 
III. БИТИРУВ МАЛАКАВИЙ ИШИНИ МАВЗУСИНИ
ТАНЛАШ ВА ТАЛАБАЛАРГА БИРИКТИРИШ 
 
Талабаларга битирув малакавий ишларнинг мавзуларини танлаш 
ҳуқуқи берилади (рейтинглари бўйича камайиш тартибида). Талабанинг 
ўқиши учун тўлов-контракт маблағини тўлаётган буюртмачи зарурий асослар 
билан битирув малакавий ишлар мавзуси бўйича ўз вариантларини таклиф 
этишлари мумкин. 
Битирув малакавий ишини сифатли ва муваффақиятли бажаришда 
мавзуни талаба томонидан мустақил равишда ва тўғри танлаш муҳим рол 
ўйнайди. Мавзуни танлашда талабалар университетда назарий билим олиш 
жараёнида ёзган курс ишлари, илмий конференцияларда қилган 
маърузаларига асосланган ҳолда иш кўришлари мақсадга мувофиқ. Чунки бу 
асосда танланган мавзу бўйича иш бажаришда тажриба, билим ва 
маълумотлар даражаси юқори бўлади. Бу ўз навбатида битирув малакавий 
ишини сифатли, муваффақиятли бажаришга асос бўлади. 
Талабани малакавий ишига раҳбар этиб институтдаги малакали 
профессорлар, доцентлар, илмий ходимлар ва бошқа ташкилот, муассасалар 
ёки корхоналарнинг етакчи мутахассислари тайинланади. Битирув малакавий 

---

иши мавзуси ва илмий раҳбарни талабага бириктириш кафедранинг 
тақдимномаси бўйича ректорнинг буйруғи билан расмийлаштирилади. 
Ишнинг илмий раҳбари, малакавий ишнинг мавзусига мувофиқ 
талабага битирув малакавий ишига тегишли материалларини тўплаш бўйича 
топшириқ 
беради. 
Талабаларнинг 
битирув 
малакавий 
ишларига 
инвестицияларга оид бўлим киритиш бўйича маслаҳатчилар этиб, олий 
таълим муассасаси “Иқтисодиёт” йўналишидаги кафедралар профессорлари, 
доцентлари, катта ўқитувчилари ҳамда юқори малакали мутахассислари 
тайинланиши 
мумкин. 
Инвестицияларга 
оид 
бўлимлар 
бўйича 
бириктирилган маслаҳатчилар талаба бажарган битирув малакавий ишининг 
мувофиқ қисмини текширадилар ва унинг сифатига жавоб берадилар.