Н. Ж. Сотволдиев, З. С. Абдуллаев

 
IV. БИТИРУВ МАЛАКАВИЙ ИШИНИ БАЖАРИШ ВА 
РЕЖАЛАШТИРИШ МУДДАТЛАРИ 
 
Битирув малакавий ишини бажарилиш муддати ишчи ўқув режасига 
мувофиқ белгиланади. Ушбу ўқув режасига мувофиқ талаба битирув 
малакавий иши учун керакли бўлган барча маълумотларни малакавий 
амалиёт даврида тўплайди.
Талабанинг илмий раҳбар билан ўтказиладиган маслаҳат учрашувлари 
университетда ва амалиёт ўтаётган корхонада белгиланган жадвал асосида 
ўтказилади.
Битирув малакавий ишининг бажарилиш муддати илмий раҳбар 
томонидан белгиланган ва кафедра мудири томонидан тасдиқланган 
топшириққа қатъий риоя қилинган ҳолда бажарилиши шарт. 
Битирув малакавий ишини бажариш унинг режасини тузишдан 
бошланади. Режа хомаки ва охирги вариантларда ҳам бўлиши мумкин. 
Хомаки режа талабанинг назарий билим олиш даврида бажарган курс иши ва 

---

илмий маърузаларга тўплаган тажрибаси асосида бўлади. У ишда 
кўриладиган масалалар, муаммолар ва ечимларни ўз ичига олиши керак.
Охирги вариантдаги режа талаба томонидан Ўзбекистон Республикаси 
қонунлари, Президент фармонлари, Вазирлар Маҳкамасининг қарорлари, 
корхона материаллари ва тегишли соҳадаги илмий тадқиқот ишларини тўла 
ўрганиб чиқилгандан сўнг хомаки вариантга асосан тузилади.
Охирги вариантдаги режа раҳбар ва инвестицияларга оид бўлим 
киритиш бўйича маслаҳатчи томонидан розилик берилгандан сўнг кафедра 
мудири томонидан тасдиқланади. Раҳбар ҳар бир талабанинг битирув 
малакавий иши бўйича икки нусхада топшириқ ва каледар график тузади, 
уни бажарилишини доимо назорат қилиб боради. Раҳбар битирув малакавий 
ишини ўзи раҳбарлик қилаётган талабалар қай даражада самарали 
бажараётганликлари ҳақида кафедра йиғилишларида ҳисобот бериб туради. 
Талаба ишнинг муаллифи сифатида танлаган қарорнинг тўғрилигига ва 
унинг топшириқга мувофиқлигига, малакавий ишда кўчирмачилик 
ҳолатининг йўқлигига шахсан жавоб беради.