N. Husanov, S. Shokirova, K. Shayxova

ALISHER NAVOIY VA IQTISODIYOT 
Navoiy yashagan davrda markazlashgan Davlat yanada mustahkamlandi, 
mamlakat iqtisodi birmuncha rivojlandi. Qishloq xo‘jaligi va hunarmandchilik 
sohasida muayyan yutuqlarga erishildi. Alisher Navoiy buyuk insonparvar, 
mutafakkir va ulug‘ shoir bo‘lib, uning butun ijodi insonning barkamollikka 
yetishuviga xalaqit beruvchi salbiy illatlarni bartaraf qilishga qaratilgandir. Navoiy 
zamonida tashqi savdo rivojlangan. Navoiy mahalliy va ajnabiy savdogarlar 
faoliyatini kuzatar ekan, ular haqida o‘z fikrini bayon qiladi: savdogar dastlab halol 
rizq topishi, jamiyatga xizmat qilishi kerak. U tog’-toshlar va dasht biyobonlarda tuya 
suradi, dengiz mavjlari va suv toshqinlarida foyda va zarar ko‘radi. Halol rizq 
topaman deb uzoq mashaqqatli yo‘llarni bosadi. Ammo ayrim insofsiz savdogarlar 
esa xaridorlarni, ayniqsa faqirlarni aldab, ularning hisobiga yashaydilar. Shu sababli 
ularning bo‘yinlarida faqirlarning haqlari bor. 
 
Topshiriq:
1. Matnni o‘qing va savollar tuzing. “J” undoshining talaffuziga e’tibor bering.
2. Shoirning ibratli hikmatlari va ruboiylaridan namunani yod oling. 

---

 53
RUBOIYLAR 
G‘urbatda g‘arib shodmon bo‘lmas emish,
El anga shafiqu, mehribon bo‘lmas emish.
Oltin qafas ichra gar qizil gul butsa,
Bulbulga tikondek oshyon bo‘lmas emish. 
Jondin seni ko‘p sevarmen, ey umri aziz,
Sondin seni ko‘p sevarmen, ey umri aziz. 
Har neniki sevmak ondin ortiq bo‘lmas,
Ondin seni ko‘p sevarmen, ey umri aziz. 
HIKMATLAR 
Tilga ixtiyorsiz-elga e’tiborsiz. 
Sihat tilasang-ko‘p yema,
Izzat tilasang-ko‘p dema. 
Odamiy ersang demagil odamiy, 
Onikim yo‘q xalq g‘amidin g‘ami. 
 

---

 54