N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Dafniyaning harakatini kuzatish uchun tirik dafniyalarni toza suvli stakanga o’tkazib, yorug’ joyga qaratib, qo’l lupasi yordamida harakatiga e’tibor bering. Xuddi shu usulda sikloplarni ham harakatini kuzatib, ularning harakatlaridagi farqlarni aniqlang.

2-ish. Dafniyaning tashqi va ichki organlarini o’rganish uchun, uni tomizgich yordamida tutib, buyum oynasi ustiga tomchi bilan birga o’tkazib, mum yoki plastilin oyoqchali qoplag’ich bilan qoplab, mikrosokopning kichik obyektivida kuzating. Dafniyaning tanasini qoplab turgan tiniq chig’anog’iga, bosh tomonida joylashgan antenna va murakkab ko’ziga e’tibor bering. Ko’krak oyoqlarining tuzilishiga va ularning doimiy harakatda bo’lishini diqqat bilan kuzating.

3-ish. Dafniyaning yelka tomonida-chig’anog’ining ostida joylashgan va bir me’yorda urib turuvchi yuragiga hamda tuxum xaltasi ichidagi tuxumlar yoki kichik dafniyalarga e’tibor bering.

4-ish. Yuqorida bayon qilingan ish tartibi va uslublar yordamida siklopning tashqi va ichki tuzilishini o’rganing. Boshdagi antenna va antennulalarga, toq nauplius ko’zchaga, tanadagi geteronom segmentlarga va urg’ochisining qorin bo’limidagi genital segmentlarning ikki yon tomonidagi tuxum xaltachalariga hamda qorin bo’limi uchidagi ayricha (furka)ning tuzilishiga e’tibor bering.

5-ish. Dafniya va siklopning umumiy tuzilishi rasmlarini daftaringizga chizing va tana qismlari hamda organlarini ifodalab qo’ying.